ಇವರು ಸೃಷ್ಟಿಶಾಸ್ತ್ರ ಮತ್ತು ಮನ ಶಾಸ್ತ್ರವನ್ನು ಬಹು ವಿಸ್ತಾರವಾಗಿ ವಚನಗಳಲ್ಲಿ ನಿರೂಪಿಸಿದ್ದಾರೆ. ಬದುಕಿದ್ದು ಕೇವಲ 24 ವರ್ಷವಾದರೂ ಹನ್ನೆರಡನೇ ಶತಮಾನದ ಯುಗ ಪುರುಷರಾಗಿ, ಸಾಮಾಜಿಕ ಬದ ಲಾವಣೆಗಳ ಹರಿಕಾರರಾಗಿ ಅಸಮಾನತೆಯ ವಿರುದ್ಧ ಧ್ವನಿಯೆತ್ತಿದ್ದಾರೆ ಎಂದರು. ಚನ್ನಬಸವಣ್ಣನವರು ಕ್ರಿಶ 1156 ರಲ್ಲಿ ಸ್ಥಾಪಿತವಾದ ಶಿವಾನುಭವ ಮಂಟಪದಲ್ಲಿ ಸಕ್ರಿಯ ಪಾತ್ರ ವಹಿಸಿದ್ದರು. 12ನೇ ಶತಮಾನದ ಶರಣರು ಆಸೆ, ಆಮಿಷಗಳಿಗೆ ದಾಸರಾದವರಲ್ಲ. ಸಂಪತ್ತು, ಅಧಿಕಾರಕ್ಕೆ ಅಂಟಿಕೊಂಡು ಕೂರಲಿಲ್ಲ. ನಾಳೆಗೆ ಬೇಕೆಂದು ಕೂಡಿಡಲಿಲ್ಲ. ಕಾಯಕ ದಾಸೋಹ, ಇಷ್ಟಲಿಂಗ ಪೂಜೆ ಅವರ ಬದುಕಿನ ಸಿದ್ಧಾಂತವಾಗಿದ್ದವು. ಸಮಾಜದ ಪಿಡುಗುಗಳನ್ನು ದೂರ ಮಾಡಿ ಸಮಾನತೆ ತರುವ ಪ್ರಯತ್ನ ಮಾಡಿದ್ದರು ಎಂದು ತಿಳಿಸಿದರು.
