ಪಾಣೆಮಂಗಳೂರು, ನಂದಾವರ, ಸಜೀಪ ಮತ್ತಿತರ ಭಾಗಗಳಿಂದ ಬರುವ ಜನರು ಈಗಲೂ ಪಾಣೆಮಂಗಳೂರು ಹಳೆಯ ಸೇತುವೆಯನ್ನೇ ಅವಲಂಬಿಸಿಕೊಂಡಿದ್ದಾರೆ. ಲಘು ವಾಹನಗಳ ಸಂಚಾರಕ್ಕೆ ಈಗಲೂ ಈ ಸೇತುವೆ ಸುರಕ್ಷಿತವಾಗಿದೆ. ಇಲ್ಲಿ ಕಳಪೆ ಗುಣಮಟ್ಟದ ತಡೆಬೇಲಿ ಹಾಕಿದ ಬಳಿಕ ಸೇತುವೆ ಮೇಲಿನ ಪ್ರಯಾಣ ಸುರಕ್ಷಿತವಾಗಿದೆ. ತಾಲೂಕಿನಲ್ಲಿ ಕೆಲವು ದಿನಗಳಿಂದ ಭಾರಿ ಗಾಳಿ ಮಳೆ ಸುರಿಯುತ್ತಿದೆ. ದೊಡ್ಡ-ದೊಡ್ಡ ಮರಗಳೇ ಗಾಳಿಗೆ ಉರುಳಿ ಬೀಳುವಾಗ ಬುಡಸಮೇತ ಕಿತ್ತು ಬಂದು ವಾಲಿ ನಿಂತ ತಡೆಬೇಲಿ ಉಳಿಯಬಹುದೇ ಎನ್ನುವುದು ಸಾರ್ವಜನಿಕರ ಪ್ರಶ್ನೆ. ತಡೆಬೇಲಿ ಬದಲಾಯಿಸದೇ ಏತಕ್ಕಾಗಿ ಇನ್ನೂ ಅಲ್ಲೇ ಉಳಿಸಿಕೊಂಡಿದ್ದಾರೆ ಎನ್ನುವ ಪ್ರಶ್ನೆಗೆ ಪುರಸಭೆ ಅಧಿಕಾರಿಗಳು ಉತ್ತರಿಸಬೇಕಾಗಿದೆ.
