ಮಂಜುನಾಥ ಎಸ್. ಅಂಗಡಿ ಧಾರವಾಡ
ವಿದ್ಯಾಕಾಶಿ ಎಂದು ಹೆಸರುವಾಸಿಯಾಗಿರುವ ಧಾರವಾಡಕ್ಕೆ ಓದಲು ಹಲವು ಜಿಲ್ಲೆಗಳ ವಿದ್ಯಾರ್ಥಿಗಳು ಬರುತ್ತಾರೆ. ಶಿಕ್ಷಣಕ್ಕೆ ಪೂರಕವಾದ ಹಲವಾರು ಪ್ರತಿಷ್ಠಿತ ಶಾಲೆ- ಕಾಲೇಜುಗಳು ಇಲ್ಲಿವೆ. ಆದರೆ, ವಿದ್ಯಾರ್ಥಿನಿಯರಿಗೆಂದೇ ಇರುವ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ದುಸ್ಥಿತಿ ಕೇಳೋರಿಲ್ಲ. ಸದ್ಯ ಮಳೆ ಸುರಿಯುತ್ತಿದ್ದು, ಸೋರುವ ಮುರುಕಲು ಕಟ್ಟಡದಲ್ಲೇ ಮಕ್ಕಳ ಪಾಠಾಭ್ಯಾಸ ಮುಂದುವರಿದಿದೆ.
ಕಾಲೇಜು ಶಿಕ್ಷಣ ಇಲಾಖೆ ಅಡಿ ಸರ್ಕಾರಿ ಪ್ರಥಮ ದರ್ಜೆ ಮಹಿಳಾ ಕಾಲೇಜು ಕಾರ್ಯನಿರ್ವಹಿಸುತ್ತಿದೆ. ಆರ್.ಎನ್. ಶೆಟ್ಟಿ ಕ್ರೀಡಾಂಗಣ ಎದುರಿನ ಈ ಕಾಲೇಜಿನಲ್ಲಿ ಬಿಎ, ಬಿಕಾಂ, ಬಿಎಸ್.ಸಿ, ಫ್ಯಾಷನ್ ಟೆಕ್ನಾಲಜಿ ಪದವಿಗಳಿವೆ. ಕಾಲೇಜು ಶಿಕ್ಷಣ ಇಲಾಖೆಯ ನಿರ್ಲಕ್ಷ÷್ಯದಿಂದ ಕಟ್ಟಡ ಅಕ್ಷರಶಃ ಭೂತಬಂಗಲೆಯAತಾಗಿದೆ.
ಸರ್ಕಾರಿ ಪದವಿ ಕಾಲೇಜು ಮೂಲದಲ್ಲಿ ನಗರದ ಗಾಂಧಿ ಚೌಕ್ನಲ್ಲಿ ನಡೆಯುತ್ತಿತ್ತು. ಅದು ಪಾರಂಪರಿಕ ಕಟ್ಟಡವಾಗಿದ್ದರಿಂದ ಕೆಲ ವರ್ಷಗಳ ಹಿಂದೆ ದುರಸ್ತಿ ಕಾರ್ಯ ನಡೆದಿತ್ತು. ಹೀಗಾಗಿ ಪದವಿ ಕಾಲೇಜು ಸ್ಥಳಾಂತರಕ್ಕೆ ಮುಂದಾದಾಗ ಸಿಕ್ಕಿದ್ದು ಆರ್.ಎನ್. ಶೆಟ್ಟಿ ಕ್ರೀಡಾಂಗಣ ಆವರಣದ ಹಳೆಯ ಆದರ್ಶ ವಿದ್ಯಾಲಯದ ಹೆಂಚಿನ ಕಟ್ಟಡ.
