ಬಂದಾರು, ಮುಂಡಾಜೆಯಲ್ಲಿ ಕಾಡಾನೆ ಕಾಟ

ಕಾಡಾನೆಗಳು ತಡರಾತ್ರಿ ಗ್ರಾಮಗಳ ನಾನಾ ಭಾಗಗಳಲ್ಲಿ ಸಂಚರಿಸಿದ್ದು, ಕೃಷಿಕರ ತೋಟಗಳಿಗೆ ನುಗ್ಗಿ ಅಡಿಕೆ, ಬಾಳೆ, ತೆಂಗು ಸೇರಿದಂತೆ ಕೃಷಿ ಬೆಳೆಗಳನ್ನು ತುಳಿದು ಹಾಗೂ ತಿಂದು ಹಾನಿಗೊಳಿಸಿವೆ.

ಕುಳೆಂಜಿರೋಡಿಯಲ್ಲಿ ಮಹೇಂದ್ರ ಪರಾಂಜಪೆ ಎಂಬುವರ ತೋಟದಲ್ಲಿ ಕಳೆದ ವಾರ ಕೂಡ ಕಾಡಾನೆಗಳು ದಾಳಿ ನಡೆಸಿ ಕೃಷಿ ಹಾನಿ ಉಂಟುಮಾಡಿದ್ದವು. ಶನಿವಾರ ತಡರಾತ್ರಿ ಮತ್ತೆ ತೋಟಕ್ಕೆ ಲಗ್ಗೆ ಇಟ್ಟಿವೆ. ಪರಿಸರದಲ್ಲಿ ಕಾಡಾನೆಗಳ ಹಾವಳಿ ಹೆಚ್ಚಾಗುತ್ತಿರುವುದು, ಮನೆಗಳ ಹತ್ತಿರದವರೆಗೂ ಸಂಚಾರ ನಡೆಸುತ್ತಿರುವುದು ಸ್ಥಳೀಯರ ಆತಂಕಕ್ಕೆ ಕಾರಣವಾಗಿದೆ.