ಅನೇಕ ಇಲಾಖೆಗಳಿಗೆ ಸ್ವಂತ ನಿವೇಶನ: ವಿಟ್ಲದಲ್ಲಿ ಸಬ್ ರಿಜಿಸ್ಟ್ರಾರ್ ಕಚೇರಿ ಜತೆಗೆ ಸ್ಥಾಪನೆಯಾದ ಪೊಲೀಸ್ ಠಾಣೆ ಹೊಸ ಕಟ್ಟಡಕ್ಕೆ ಸ್ಥಳಾಂತವಾಗಿ ಹಳೇ ಕಟ್ಟಡ ನೆಲಸಮವಾಗಿದೆ. ಕಂದಾಯ ಇಲಾಖೆಯ ಕಟ್ಟಡವೂ ಹೊಸತಾಗಿದೆ. ಕೃಷಿ ಇಲಾಖೆ, ಪಶು ಸಂಗೋಪನಾ ಇಲಾಖೆ ಸೇರಿ ವಿವಿಧ ಇಲಾಖೆಗಳು ಸ್ವಂತ ನಿವೇಶನದಲ್ಲಿ ಕಾರ್ಯಾಚರಿಸುತ್ತಿವೆ. ಆದರೆ ಅತ್ಯಂತ ಪ್ರಮುಖವಾದ ಉಪನೋಂದಣಿ ಕಚೇರಿ ಮಾತ್ರ ನಿರ್ಲಕ್ಷ್ಯಕ್ಕೆ ಒಳಗಾಗಿದೆ. ಛಾವಣಿ ಹಾಳಾಗಿ ಮಳೆಗಾಲದಲ್ಲಿ ನೀರು ಸೋರುವುದನ್ನು ತಡೆಯಲು ಟರ್ಪಾಲು ಹಾಸುವಂತಹ ಸ್ಥಿತಿ ನಿರ್ಮಾಣವಾಗಿದೆ. ಉಪ ವಿಭಾಗ ದಂಡಾಧಿಕಾರಿಗಳ ಸರ್ಕಾರಿ ವಸತಿನಿಲಯಕ್ಕೂ ಇದೇ ಸ್ಥಿತಿ ಬಂದಿದ್ದು ದುರಸ್ತಿ ಕಾರ್ಯಕ್ಕೆ ಆಸಕ್ತಿ ವಹಿಸುತ್ತಿಲ್ಲ.
