ಯುವವಾಹಿನಿ ಕಾರ್ಯಕ್ಕೆ ಸಹಕಾರ ಮುಖ್ಯ : ಬಿನುತಾ

ಕಷ್ಟದಲ್ಲಿರುವ ಕುಟುಂಬಕ್ಕೆ ಹಾಗೂ ಕಲಾಸಕ್ತರಿಗೆ ಬೆನ್ನೆಲುಬಾಗಿರುವ ಯುವವಾಹಿನಿ ಸಂಘಟನೆ ಕಾರ್ಯಕ್ಕೆ ಪ್ರತಿಯೊಬ್ಬರೂ ಕೈಜೋಡಿಸಬೇಕು ಎಂದು ಬಂಗೇರ ಬ್ರಿಗೇಡ್ ಅಧ್ಯಕ್ಷೆ ಬಿನುತಾ ಬಂಗೇರ ಕರೆ ನೀಡಿದರು.

ಬೆಳ್ತಂಗಡಿ ಜೂನಿಯರ್ ಕಾಲೇಜು ಕ್ರೀಡಾಂಗಣದಲ್ಲಿ ಯುವವಾಹಿನಿ ಬೆಳ್ತಂಗಡಿ ಘಟಕದ ಆಶ್ರಯದಲ್ಲಿ ಯುವವಾಹಿನಿ ಮಹಿಳಾ ಸಂಚಾಲನ ಸಮಿತಿ ಸಹಕಾರದೊಂದಿಗೆ ಭಾನುವಾರ ನಡೆದ ಘಟಕದ ದಶಸಂಭ್ರಮದ ಪ್ರಯುಕ್ತದ ಎಂಟು ತಂಡಗಳ ಬಿಡ್ಡಿಂಗ್ ಮಾದರಿಯ ಅಂಡರ್‌ಆರ್ಮ್ ಕ್ರಿಕೆಟ್ ಟೂರ್ನಿ ಹಾಗೂ ಮಹಿಳೆ-ಪುರುಷರ ಡಬಲ್ಸ್ ಶಟಲ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಮಾತನಾಡಿದರು.

ನಿವೃತ್ತ ಎಸ್‌ಪಿ ಪೀತಾಂಬರ ಹೇರಾಜೆ, ಬೆಳ್ತಂಗಡಿ ಬಿಲ್ಲವ ಮಹಿಳಾ ವೇದಿಕೆ ಸ್ಥಾಪಕಾಧ್ಯಕ್ಷೆ ಸುಜಿತಾ ವಿ.ಬಂಗೇರ, ತಾಲೂಕು ಗ್ಯಾರಂಟಿ ಅನುಷ್ಠಾನ ಸಮಿತಿ ಅಧ್ಯಕ್ಷ ಪದ್ಮನಾಭ ಸಾಲ್ಯಾನ್ ಶುಭಹಾರೈಸಿದರು.

ಬೆಳ್ತಂಗಡಿ ಘಟಕದ ಅಧ್ಯಕ್ಷ ಗುರುರಾಜ್ ಗುರಿಪಳ್ಳ ಅಧ್ಯಕ್ಷತೆ ವಹಿಸಿದ್ದರು. ತಾಲೂಕು ಯುವಜನ ಒಕ್ಕೂಟ ಮಾಜಿ ಅಧ್ಯಕ್ಷ ರಾಜೀವ್ ಸಾಲ್ಯಾನ್ ಮುಂಡೂರು, ನಾರಾಯಣ ಸುವರ್ಣ ಬೆಳಾಲು, ವಸಂತ ಪೂಜಾರಿ, ಶುಭಕರ ಪೂಜಾರಿ ಸಾವ್ಯ, ನಿತಿನ್ ಕೋಟೆ ಮಡಂತ್ಯಾರ್, ಜಿತೇಶ್, ಜಾರಪ್ಪ ಪೂಜಾರಿ ಬೆಳಾಲು, ಚಂದ್ರಶೇಖರ ಇಂದಬೆಟ್ಟು, ನಾರಾಯಣ ಪೂಜಾರಿ, ಗಣೇಶ್ ಸಾವ್ಯ, ಲೀಲಾವತಿ ಪಣಕಜೆ, ಮಧುರಾ ರಾಘವ, ನಾಗೇಶ್ ಅದೇಲು, ಪತ್ರಕರ್ತ ಮನೋಹರ್ ಬಳಂಜ ಮೊದಲಾದವರಿದ್ದರು.

ಸುಜಿತಾ ವಿ.ಬಂಗೇರ ಅವರನ್ನು ಗೌರವಿಸಲಾಯಿತು. ದಶ ಸ್ಪಂದನಾ ಕಾರ್ಯಕ್ರಮ ಪ್ರಯುಕ್ತ ಫಲಾನುಭವಿಯ ಚಿಕಿತ್ಸೆಗೆ ಸಾಂತ್ವನಾ ನಿಧಿ ಹಸ್ತಾಂತರಿಸಲಾಯಿತು.