ನೀರುಮಾರ್ಗದ ಹಚ್ಚಹಸಿರಿನ ಪ್ರಕೃತಿಯ ಮಡಿಲಲ್ಲಿ ಶ್ರೀ ಸುಬ್ರಾಯ ಕ್ಷೇತ್ರ ಕಂಗೊಳಿಸುತ್ತಿದ್ದು, ಅಷ್ಟದಿಕ್ಕುಗಳಿಂದಲೂ ಭಕ್ತರ ಸೆಳೆಯುವ ಪುಣ್ಯಕ್ಷೇತ್ರವಾಗಿ ಮೂಡಿಬಂದಿದೆ. ಸುಮಾರು 5 ತಿಂಗಳ ಹಿಂದೆ ಕ್ಷೇತ್ರದ ಜೀರ್ಣೋದ್ಧಾರ ಕಾಮಗಾರಿ ಆರಂಭಗೊಂಡಿದೆ. 54 ಲಕ್ಷ ರೂ. ವೆಚ್ಚದ ರಾಜಗೋಪುರ, 15 ಲಕ್ಷ ರೂ.ವೆಚ್ಚದ ಧ್ವಜಸ್ತಂಭ, 22 ಲಕ್ಷ ರೂ. ವೆಚ್ಚದ ಸುತ್ತುಪೌಳಿ ಕಲ್ಲುಹಾಸು, 10 ಲಕ್ಷ ರೂ.ವೆಚ್ಚದ ನಾಗಬನ ನಿರ್ಮಾಣ, 25 ಲಕ್ಷ ರೂ. ವೆಚ್ಚದಲ್ಲಿ ತಡೆಗೋಡೆಗಳ ನಿರ್ಮಾಣ, 25 ಲಕ್ಷ ರೂ.ವೆಚ್ಚದಲ್ಲಿ ತಂತ್ರಿ-ಅರ್ಚಕರ ವಾಸಸ್ಥಾನ, 15 ಲಕ್ಷ ರೂ.ವೆಚ್ಚದಲ್ಲಿ ಮೇಲ್ಛಾವಣಿ, 15 ಲಕ್ಷ ರೂ. ವೆಚ್ಚದಲ್ಲಿ ಇಂಟರ್ಲಾಕ್ ಅಳವಡಿಕೆ, 5 ಲಕ್ಷ ರೂ.ವೆಚ್ಚದಲ್ಲಿ ಸ್ಕಂದ ಪುಷ್ಕರಿಣಿ ಗೋಮುಖ, 10 ಲಕ್ಷ ರೂ. ವೆಚ್ಚದಲ್ಲಿ ತಾಮ್ರದ ಹೊದಿಕೆ ಕಾರ್ಯಗಳು ನಡೆದಿವೆ.
