ಸಿಲಿಂಡರಿಗೆ ಮುಗಿಬಿದ್ದ ಗ್ರಾಹಕರು! Puttur

ಪ್ರಮುಖ ಮುಖ್ಯಾಂಶಗಳು

• ಸಮರ್ಪಕ ಪೂರೈಕೆಗಿಲ್ಲ ಕ್ರಮ
• ‘ಗ್ಯಾಸ್ ಸಮಸ್ಯೆಯಿಲ್ಲ’ ಹೇಳಿಕೆಗೆ ಸೀಮಿತ

ಜನಸ್ಪಂದನದಲ್ಲಿ ದೂರು

ಮಾ.೧೯ಕ್ಕೆ ಸಿಲಿಂಡರ್ ಬುಕ್ ಮಾಡಿದ್ದು, ಈವರೆಗೆ ಮನೆಗೆ ಸಿಲಿಂಡರ್ ಡೆಲಿವರಿ ಆಗಿಲ್ಲ. ಏಜೆನ್ಸಿಯ ಮುಂದೆ ಬೆಳಗ್ಗೆ ೯ ಗಂಟೆಗೆ ಬಂದು ಸರತಿಯಲ್ಲಿ ನಿಂತಿದ್ದೇವೆ.

ಮಾ.೨೨ರಂದು ಗ್ಯಾಸ್ ಬುಕ್ ಮಾಡಿದ್ದು, ಇದಕ್ಕೆ ಸಂಬಂಽಸಿದ ಬಿಲ್ಲಿನ ಒಟಿಪಿ ಈಗಾಗಲೇ ಬಂದಿದೆ. ಆದರೆ ಸಿಲಿಂಡರ್ ನೀಡುತ್ತಿಲ್ಲ. ವರ್ಷದ ಹಿಂದೆ ಕಾಲು ಶಸ್ತ್ರಚಿಕಿತ್ಸೆಯಾಗಿ ನಿಲ್ಲಲು ಆಗದ ಸ್ಥಿತಿಯಾಗಿದೆ. ನಾವು ಸಿಲಿಂಡರ್‌ಗೆ ಬಂದಾಗ ಸರತಿಯನ್ನೇ ಸೂಚಿಸುತ್ತಿದ್ದಾರೆ. ಮೂರು ದಿನಗಳಿಂದ ಆಗಮಿಸುತ್ತಿದ್ದು, ಸಿಲಿಂಡರ್ ನೀಡುತ್ತಿಲ್ಲ.

ಹಿಂದೆ ದಿನಕ್ಕೆ ಒಂದು ಲೋಡ್ ಸಿಲಿಂಡರ್ ಪೂರೈಕೆಯಾಗುತ್ತಿತ್ತು. ಮಾ.೧೯ಕ್ಕೆ ಒಂದು ಲೋಡು ಬಂದಿದ್ದು ಬಿಟ್ಟರೆ, ಮಾ.೩೦ರಂದು ಒಂದು ಲೋಡು ಬಂದಿದೆ. ಮಂಗಳೂರಿನಲ್ಲಿ ಲೋಡಿಂಗ್ ನೀಡುತ್ತಿಲ್ಲ. ಈ ಕಾರಣದಿಂದ ಗ್ರಾಹಕರ ಮನೆಗೂ ಪೂರೈಕೆ ಮಾಡಲು ಸಾಧ್ಯವಾಗುತ್ತಿಲ್ಲ. ಅಧಿಕಾರಿಗಳ ಸಭೆಯಲ್ಲಿ ಸಮಸ್ಯೆಯಾಗದಂತೆ ನೋಡಿಕೊಳ್ಳಲು ಸೂಚನೆ ನೀಡಿದ್ದಾರೆ.

ಪುತ್ತೂರಿನ ಗ್ಯಾಸ್ ಏಜೆನ್ಸಿಯೊಂದರಲ್ಲಿ ಆನ್‌ಲೈನ್ ಬುಕಿಂಗ್‌ಗೂ ಸಿಲಿಂಡರ್ ನೀಡುತ್ತಿಲ್ಲ. ಅಲ್ಲಿಗೆ ಸಿಲಿಂಡರ್ ಹೊತ್ತುಕೊಂಡು ಹೋಗಿ ರಸ್ತೆ ಬದಿಯಲ್ಲಿ ರಣಬಿಸಿಲಿನಲ್ಲಿ ಸರತಿ ಸಾಲಿನಲ್ಲಿ ನಿಲ್ಲಬೇಕು. ಅಲ್ಲಿ ಕಚೇರಿ ಸಿಬ್ಬಂದಿ ಬಳಿ ಕೇಳಲು ಹೋದರೆ ಕಚೇರಿ ಬಾಗಿಲು ಹಾಕಿ, ಕಿಟಕಿಯಲ್ಲಿ ಕೈ ಚಾಚಬೇಕು. ವಯೋವೃದ್ಧರು, ಮಹಿಳೆಯರು ಪಡುತ್ತಿರುವ ಕಷ್ಟಕ್ಕೆ ಯಾರು ಹೊಣೆ?