ಅವಮಾನ ಮಾಡಿ ಶಾಂತಿ ಭಂಗ, ಕೊಲೆ ಯತ್ನ, ಧಮ್ಕಿ, ಮಹಿಳೆಗೆ ಅವಮಾನ ಹಾಗೂ ಸರ್ಕಾರಿ ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಆರೋಪದಡಿ ೩ ಪ್ರಕರಣ ದಾಖಲಾಗಿದೆ. ಮೊದಲ ಪ್ರಕರಣದಲ್ಲಿ ಸುಳ್ಯ ಜಾಲ್ಸೂರು ನಿವಾಸಿ ಫಾತಿಮತ್ ಮಿಸ್ವಾನ(೩೨) ದೂರುದಾರೆಯಾಗಿದ್ದು, ಕೆಲವು ದಾಖಲಾತಿಗಳನ್ನು ಪ್ರಿಂಟ್ ತೆಗೆಸಲು ಹಾಗೂ ಲ್ಯಾಮಿನೇಷನ್ ಮಾಡಿಸಲು ದರ್ಬೆ ಜನಸೇವಾ ಕೇಂದ್ರಕ್ಕೆ ಬಂದು, ವಾಪಸ್ ಪಡೆಯುವಾಗ ಒಂದು ದಾಖಲೆ ಪತ್ರಕ್ಕೆ ಹಾನಿಯಾಗಿತ್ತು. ಇದನ್ನು ಸರಿಪಡಿಸಿ ಕೊಡಿ ಅಥವಾ ಹೊಸ ದಾಖಲಾತಿ ಪಡೆಯಲು ೩೦೦ ರೂ. ನೀಡುವಂತೆ ಕೇಳಿದಾಗ ಕೇಂದ್ರದಲ್ಲಿದ್ದ ಅಂಜನಾ ಪೈ, ಸುದರ್ಶನ್ ಪೈ ಅವ್ಯಾಚವಾಗಿ ಬೈದಿದ್ದು, ಸುದರ್ಶನ ಪೈ ಹಲ್ಲೆ ನಡೆಸಿ ಜೀವಬೆದರಿಕೆ ಒಡ್ಡಿದ್ದಾರೆ ದೂರಿನಲ್ಲಿ ತಿಳಿಸಿದ್ದಾರೆ.
