ಸಿಟಿ ಪೊಲೀಸ್ ಹೆಸರಲ್ಲಿ ನಕಲಿ ವೆಬ್‌ಸೈಟ್ ತೆರೆದು ಆನ್‌ಲೈನ್ ಗೇಮ್

ಠಾಣೆ ಪೊಲೀಸ್ ಉಪ ನಿರೀಕ್ಷಕ ರೇವಣ ಸಿದ್ದಪ್ಪ ಅವರು ಮಾ.25ರಂದು ಸಂಜೆ 5 ಗಂಟೆ ಗೂಗಲ್ ಪರಿಶೀಲಿಸುತ್ತಿರುವಾಗ ಮಂಗಳೂರು ಸಿಟಿ ಪೊಲೀಸ್ ಎಂಬ ಹೆಸರಿನಲ್ಲಿ ನಕಲಿ ವೆಬ್ ಸೈಟ್ ತೆರೆದಿರುವುದು ಗಮನಕ್ಕೆ ಬಂದಿದೆ. ವೆಬ್ ಸೈಟ್ ಮೂಲಕ ಮಲ್ಟಿ ಸ್ಕ್ಯಾಟರ್ ಪ್ರಾಗ್ಯಾಮ್ಟಿಕ್ ಎಂದು ಹಲವಾರು ಆನ್ ಲೈನ್ ಲೈನ್ ಗೇಮ್‌ಗಳಾದ Gates of Olympus, Mahjong wins 3, Srtarlight Princes 1000, Sweet Bonaza 1000, Bander ceme, Domino QQ, Poker 0maha ಮೊದಲಾದ ಗೇಮ್ ಗಳ ಮೂಲಕ ಸಾರ್ವಜನಿಕರನ್ನು ವಂಚಿಸಿ ಹಣ ಗಳಿಸುತ್ತಿರುವುದು ಕಂಡು ಬಂದಿದೆ.

ಈ ರೀತಿಯಾಗಿ ಮಂಗಳೂರು ನಗರ ಪೊಲೀಸರ ಹೆಸರನ್ನು ಬಳಿಸಿಕೊಂಡು ನಕಲಿ ವೆಬ್ ಸೈಟ್ ತೆರೆದು ಆನ್ ಲೈನ್ ಸೈಬರ್ ವಂಚನೆ ಮಾಡುತ್ತಿರುವವರ, ನಕಲಿ ವೆಬ್ ಸೈಟ್ ತೆರೆದವರ ಹಾಗೂ ಆನ್ ಲೈನ್ ಗ್ಯಾಂಬ್ಲಿಂಗ್ ನಡೆಸುತ್ತಿರುವವರ ವಿರುದ್ದ ಕಾನೂನು ಕ್ರಮ ಜರುಗಿಸಬೇಕೆಂದು ದೂರಿನಲ್ಲಿ ಒತ್ತಾಯಿಸಿದ್ದಾರೆ.