ಕುಡುಪು ದೇವಸ್ಥಾನದ ಎದುರಿದ್ದ ಸುಮಾರು 100 ವರ್ಷಗಳಷ್ಟು ಹಳೆಯದಾದ ಪಡಸಾಲೆಯಂತಹ ಗೋಪುರವನ್ನು 40 ವರ್ಷಗಳ ಹಿಂದೆ ಕೆಡವಿ, 1984-85ರ ಹೊತ್ತಿಗೆ ಮೂರು ಶಿಖರಗಳಿದ್ದ ರಾಜಗೋಪುರ ನಿರ್ಮಿಸಲಾಗಿತ್ತು. ಹೆದ್ದಾರಿ ವಿಸ್ತರಣೆ ಕಾಮಗಾರಿ ಹಿನ್ನೆಲೆಯಲ್ಲಿ ಈ ರಾಜಗೋಪುರ ನೆಲಸಮಗೊಂಡಿದೆ. ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಯು ಹೊಸದಾಗಿ ನಿರ್ಮಾಣಗೊಳ್ಳಲಿರುವ ರಾಜಗೋಪುರದ ನೀಲಿನಕ್ಷೆ ಹಾಗೂ ಯೋಜನಾ ವರದಿ ಈಗಾಗಲೇ ರಾಜ್ಯ ಮುಜರಾಯಿ ಇಲಾಖೆಗೆ ಕಳುಹಿಸಿದೆ. ಪಿಡಬ್ಲುೃಡಿ, ಮುಜರಾಯಿ ಇಲಾಖೆಯಿಂದ ಹಸಿರು ನಿಶಾನೆ ಸಿಕ್ಕಿದ ಬಳಿಕ ಕಾಮಗಾರಿಗಾಗಿ ಟೆಂಡರ್ ಪ್ರಕ್ರಿಯೆ ಆರಂಭಗೊಳ್ಳಲಿದೆ. ಹೆದ್ದಾರಿ ಪಕ್ಕದಲ್ಲಿ ಹಳೆಯ ರಾಜಗೋಪುರವಿದ್ದ ಜಾಗಕ್ಕಿಂತ ಅನತಿ ದೂರದಲ್ಲಿ ನಿರ್ಮಾಣಗೊಳ್ಳಲಿರುವ ಹೊಸ ರಾಜಗೋಪುರ ಹೆದ್ದಾರಿಗಿಂತ ಮೇಲ್ಭಾಗಕ್ಕೆ ಕಾಣುವಂತಿರುತ್ತದೆ.
