ಗಮನ ಸೆಳೆದ ಕುಡ್ಲ ಶ್ವಾನ ಪ್ರದರ್ಶನ

ವಿವಿಧ ಜಿಲ್ಲೆಗಳಿಂದ ಸುಮಾರು 25 ವಿವಿಧ ತಳಿಯ 300ಕ್ಕಿಂತಲೂ ಅಧಿಕ ಶ್ವಾನಗಳು ಪ್ರದರ್ಶನದಲ್ಲಿ ಭಾಗವಹಿಸಿದ್ದವು. ಈ ಬಾರಿ ಶ್ವಾನ ಪ್ರದರ್ಶನಕ್ಕೆ ಆನ್‌ಲೈನ್ ಮೂಲಕ ನೋಂದಣಿ ಮಾಡಲಾಗಿತ್ತು.

ಪ್ರದರ್ಶನದಲ್ಲಿ ಭಾಗವಹಿಸಿದ ಶ್ವಾನಗಳನ್ನು ತಳಿವಾರು, ಪ್ರಾಯವಾರು ಪ್ರತ್ಯೇಕಿಸಿ ಅವುಗಳ ಆರೋಗ್ಯ ಕೌಶಲ, ಬೆಳವಣಿಗೆ ಮೊದಲಾದ ಆಯಾಮಗಳಲ್ಲಿ ವಿಂಗಡಿಸಲಾಗಿತ್ತು. 3ರಿಂದ 6 ತಿಂಗಳ ಮರಿಗಳ ವಿಭಾಗ, 6ರಿಂದ 12 ತಿಂಗಳ ಮರಿಗಳ ವಿಭಾಗ ಹಾಗೂ ತಳಿವಾರು 12 ತಿಂಗಳು ಮೇಲ್ಪಟ್ಟು ವಿಭಾಗಗಳಲ್ಲಿ ಸ್ಪರ್ಧೆ ನಡೆಯಿತು. ಪೊಲೀಸ್ ಶ್ವಾನದಳದಿಂದ ವಿಶೇಷ ಪ್ರದರ್ಶನ ನಡೆಯಿತು.

ಸಚಿವ ದಿನೇಶ್ ಗುಂಡೂರಾವ್ ಭೇಟಿ: ಜಿಲ್ಲಾ ಉಸ್ತುವಾರಿ ಸಚಿವ ದಿನೇಶ್ ಗುಂಡೂರಾವ್ ಸಂಜೆ ಶ್ವಾನ ಪ್ರದರ್ಶನಕ್ಕೆ ಭೇಟಿ ನೀಡಿ ಮೆಚ್ಚುಗೆ ವ್ಯಕ್ತಪಡಿಸಿದರು.

ಶ್ವಾನ ಪ್ರದರ್ಶನದಲ್ಲಿ ಜಿಲ್ಲಾಧಿಕಾರಿ ದರ್ಶನ್ ಎಚ್.ವಿ. ಅವರ ಸಾಕು ಶ್ವಾನಗಳಾದ ಟೋರಾ ಹಾಗೂ ಯುಕಿ ಮತ್ತು ಜಿ.ಪಂ. ಸಿಇಒ ವಿನಾಯಕ ನರ್ವಾಡೆ ಅವರ ಹೇಝಲ್ ಹೆಸರಿನ ಶ್ವಾನಗಳು ಭಾಗವಹಿಸಿದ್ದವು.