ಅಗ್ನಿಶಾಮಕ ದಳಕ್ಕೆ ಮಹಿಳಾ ಸಾಥ್!

ಪ್ರಮುಖ ಮುಖ್ಯಾಂಶಗಳು

• ವಿಪತ್ತು ನಿರ್ವಹಣೆಗೆ ಕಾಸರಗೋಡಿನಲ್ಲಿ ಸಜ್ಜಾಗಿದೆ ಸ್ತ್ರೀ ಶಕ್ತಿ
• ಇದೇ ಮೊದಲ ಬಾರಿ ಮಹಿಳಾ ಸಿಬ್ಬಂದಿಯಗಳ ನೇಮಕ
• ಕೆಲವು ತಿಂಗಳುಗಳಿಂದ ಕಾರ್ಯಾಚರಣೆ

ಜಿಲ್ಲೆಯ ವಿವಿಧ ಅಗ್ನಿಶಾಮಕ ಠಾಣೆಗಳಿಗೆ ಪ್ರತಿ ವರ್ಷ ಸರಾಸರಿ 1,700 ತುರ್ತು ಕರೆಗಳು ಬರುತ್ತವೆ. ಕಾರ್ಯಾಚರಣೆಗಳ ಜತೆಗೆ ವಿದ್ಯಾರ್ಥಿಗಳನ್ನು ಕೇಂದ್ರೀಕರಿಸಿ ವ್ಯಾಪಕ ಜಾಗೃತಿ ತರಗತಿ ಆಯೋಜಿಸಲಾಗುತ್ತಿದೆ. ಕಳೆದ ಕೆಲವು ತಿಂಗಳಿಂದ ಮಹಿಳಾ ಸಿಬ್ಬಂದಿ ಸೇವೆಯೂ ಅಗ್ನಿಶಾಮಕ ದಳಕ್ಕೆ ಸೇರ್ಪಡೆಯಾಗಿದ್ದು, ಮಹಿಳಾ ತಂಡ ಉತ್ತಮ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತಿದೆ.

ತರಬೇತಿ ಸಮಯದಲ್ಲಿ ಸ್ಕೂಬಾ ಡೈವಿಂಗ್ ಮತ್ತು ನೀರಿನಲ್ಲಿ ರಕ್ಷಣೆ ಖುಷಿ ನೀಡಿತು. ಅತ್ಯಂತ ಕಠಿಣ ಹಾಗೂ ಸವಾಲಿನ ಕೆಲಸವೆಂದೇ ಪರಿಗಣಿಸಲಾಗಿರುವ ಈ ತರಬೇತಿ ಕಾಲದಲ್ಲಿದ್ದ ಅಂಜಿಕೆ, ಆತಂಕ ಕ್ರಮೇಣ ದೂರವಾಗಿದೆ. ಇತರರ ಜೀವ ಉಳಿಸುವ ಕಾರ್ಯಾಚರಣೆ ವಿಶೇಷ ಅನುಭವ ನೀಡುತ್ತದೆ.