ಕುಮಾರಧಾರ ಸೇತುವೆಗೆ ತಡೆಬೇಲಿ : ತ್ಯಾಜ್ಯ ಎಸೆಯುವುದು ತಪ್ಪಿಸಲು ಕ್ರಮ

ಲಯನ್ಸ್ ಕ್ಲಬ್ ಕುಕ್ಕೆ ಸುಬ್ರಹ್ಮಣ್ಯ ಹಾಗೂ ಲಯನ್ಸ್ ಪ್ರಾಂತ್ಯ 8ರ ವತಿಯಿಂದ ಮತ್ತು ದಾನಿಗಳ ಸಹಕಾರದಲ್ಲಿ 9 ಲಕ್ಷ ರೂ. ವೆಚ್ಚದಲ್ಲಿ ಸೇತುವೆ ಎರಡೂ ಬದಿಗೆ ತಡೆಬೇಲಿ ನಿರ್ಮಾಣವಾಗುತ್ತಿದೆ. ಒಂದು ಬದಿಗೆ 465 ಅಡಿ ಉದ್ದ ಹಾಗೂ 8 ಅಡಿ ಎತ್ತರದಂತೆ ಎರಡೂ ಬದಿ ನಿರ್ಮಾಣವಾಗಲಿದೆ. ಲಯನ್ಸ್ ಪ್ರಾಂತೀಯ ಸಮ್ಮೇಳನದ ನೆನಪಿಗಾಗಿ ಪ್ರಾಂತೀಯ ಅಧ್ಯಕ್ಷ ಕೆ.ರಂಗಯ್ಯ ಶೆಟ್ಟಿಗಾರ್ ನೇತೃತ್ವದಲ್ಲಿ ಶಾಶ್ವತ ಯೋಜನೆಯಾಗಿ ತಡೆಬೇಲಿ ನಿರ್ಮಾಣವಾಗುತ್ತಿದೆ. ಲಯನ್ಸ್ ಪ್ರಾಂತ್ಯ 8ರ, ಸುಬ್ರಹ್ಮಣ್ಯ ಲಯನ್ಸ್ ಕ್ಲಬ್ ಸದಸ್ಯರು ಹಾಗೂ ದಾನಿಗಳ ಸಹಕಾರದಲ್ಲಿ ವೆಚ್ಚ ಭರಿಸಲಾಗುತ್ತಿದೆ.

ಕುಕ್ಕೆ ಸುಬ್ರಹ್ಮಣ್ಯದ ಕುಮಾರಧಾರ ನದಿಗೆ ತ್ಯಾಜ್ಯ ಎಸೆಯುತ್ತಿರುವುದು ಮತ್ತು ಇದರಿಂದ ನದಿ ಮಲಿನ ಆಗುತ್ತಿರುವ ಬಗ್ಗೆ ಹಾಗೂ ಸೇತುವೆಗೆ ತಡೆಬೇಲಿ ನಿರ್ಮಾಣ ಆಗಬೇಕು ಎಂಬ ಬೇಡಿಕೆ ಬಗ್ಗೆ ‘ವಿಜಯವಾಣಿ’ ನಿರಂತರ ವರದಿ ಪ್ರಕಟಿಸಿ ಗಮನ ಸೆಳೆಯುತ್ತಾ ಬಂದಿತ್ತು.