ಬದುಕಿನ ಕಲೆಗೆ ಸಂಸ್ಕಾರ ಬಂದರೆ ಸಂಸ್ಕೃತಿ Alvas

ಪುತ್ತೂರು: ಮಕ್ಕಳು ಪದವೀಧರರಾಗುವುದಕ್ಕಿಂತ ವಿದ್ಯಾವಂತರಾಗುವುದು ಮುಖ್ಯ. ಭಾಷೆಗೆ ಸಂಸ್ಕಾರ ಬಂದ ಮೇಲೆ ಸಂಸ್ಕೃತವಾಯಿತು. ಕೃತಿಗೆ ಮತ್ತು ಬದುಕಿನ ಕಲೆಗೆ ಸಂಸ್ಕಾರ ಬಂದರೆ ಸಂಸ್ಕೃತಿಯಾಗುತ್ತದೆ. ಸಂಸ್ಕೃತಿಯ ಜತೆಗೆ ಬದುಕಿನ ಕಲೆಯನ್ನು ಮಕ್ಕಳಿಗೆ ಆಳ್ವಾಸ್ ನೀಡುತ್ತಿದೆ ಎಂದು ಬಾರಕೂರು ಸಂಸ್ಥಾನದ ಡಾ.ಸಂತೋಷ್ ಗುರೂಜಿ ಹೇಳಿದರು.

ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ದೇವರಮಾರು ಗದ್ದೆಯಲ್ಲಿ ಆಳ್ವಾಸ್ ನುಡಿಸಿರಿ ವಿರಾಸತ್ ಪುತ್ತೂರು ಘಟಕ ವತಿಯಿಂದ ಆಳ್ವಾಸ್ ಸಾಂಸ್ಕೃತಿಕ ವೈಭವದಲ್ಲಿ ಆಶೀರ್ವಚನ ನೀಡಿದರು.

ಶಾಸಕ ಅಶೋಕ್ ಕುಮಾರ್ ರೈ ಅಧ್ಯಕ್ಷತೆ ವಹಿಸಿ, ಆಳ್ವಾಸ್ ವಿದ್ಯಾರ್ಜನೆಗೆ ವಿಶೇಷ ಕೊಡುಗೆ ನೀಡುವ ಜತೆಗೆ ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಮಹತ್ವ ನೀಡಲಾಗುತ್ತದೆ. ಒಳ್ಳೆಯ ದೃಷ್ಟಿಕೋನ ಇಟ್ಟುಕೊಂಡು ಆಳ್ವಾಸ್ ನುಡಿಸಿರಿ ಕಾರ್ಯಕ್ರಮ ಹಾಕಿಕೊಂಡಿದ್ದಾರೆ ಎಂದರು.

ದ.ಕ ಮಾಜಿ ಸಂಸದ ಕಾರ್ಯಕ್ರಮ ಉದ್ಘಾಟಿಸಿದರು. ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ ಅಧ್ಯಕ್ಷ ಡಾ.ಎಂ.ಮೋಹನ ಆಳ್ವ, ಎಂಎಲ್‌ಸಿ ಕಿಶೋರ್‌ಕುಮಾರ್ ಬೊಟ್ಯಾಡಿ, ಮಾಜಿ ಶಾಸಕಿ ಶಕುಂತಳಾ ಟಿ. ಶೆಟ್ಟಿ, ಸಂಜೀವ ಮಠಂದೂರು, ಬಲರಾಮ ಆಚಾರ್ಯ, ಸತ್ಯ ಶಂಕರ, ಕೇಶವ ಪ್ರಸಾದ್ ಮುಳಿಯ, ಈಶ್ವರ ಭಟ್ ಪಂಜಿಗುಡ್ಡೆ, ಯು.ಪಿ.ಶಿವಾನಂದ, ಸವಣೂರು ಸೀತಾರಾಮ ರೈ, ಡಾ.ಸುರೇಶ್ ಪುತ್ತೂರಾಯ, ವಿಜಯ ಹಾರ್ವಿನ್, ಲೀಲಾವತಿ ಅಣ್ಣುನಾಯ್ಕ, ವಿದ್ಯಾ ಕಾಳೆ, ಶಶಿಕುಮಾರ್ ಬಾಲ್ಯೊಟ್ಟು, ಮಲ್ಲಿಕಾ ಪಕ್ಕಳ, ರಾಧಾಕೃಷ್ಣ ರೈ ಬುಡಿಯಾರ್, ಡಾ.ಹರಿಕೃಷ್ಣ ಪಾಣಾಜೆ, ಚನಿಲ ತಿಮ್ಮಪ್ಪ ಶೆಟ್ಟಿ, ಡಾ.ರವೀಶ್ ಪಡುಮಲೆ, ಸಹಜ್ ರೈ, ಸೀತಾರಾಮ ರೈ ಕೆದಂಬಾಡಿಗುತ್ತು, ಡಾ.ಎಚ್.ಮಾಧವ ಭಟ್, ಚಂದ್ರಹಾಸ ಶೆಟ್ಟಿ, ಎನ್.ಕೆ.ಜಗನ್ನಿವಾಸ ರಾವ್ ಮತ್ತಿತರರು ಉಪಸ್ಥಿತರಿದ್ದರು. ವೇಣುಗೋಪಾಲ ಶೆಟ್ಟಿ ಕಾರ್ಯಕ್ರಮ ನಿರೂಪಿಸಿದರು.

"