ಸಿಟಿ ಸ್ಕ್ಯಾನ್ ಸೆಂಟರ್​ ಉದ್ಘಾಟನೆ

ವಿಜಯವಾಣಿ ಸುದ್ದಿಜಾಲ ಧಾರವಾಡ

ನಗರದ ಎಸ್​ಡಿಎಂ ಆಸ್ಪತ್ರೆಯಲ್ಲಿ ಸ್ಥಾಪಿಸಿರುವ ಅತ್ಯಾಧುನಿಕ ಸಿಟಿ ಸ್ಕ್ಯಾನ್ ಸೆಂಟರ್​ಗಳನ್ನು ಎಸ್​ಡಿಎಂ ವಿಶ್ವ ವಿದ್ಯಾಲಯದ ಕುಲಪತಿ ಡಾ. ಡಿ. ವೀರೇಂದ್ರ ಹೆಗ್ಗಡೆ ಇತ್ತೀಚೆಗೆ ಉದ್ಘಾಟಿಸಿದರು.

ಮಂಜುಶ್ರೀ ಬ್ಲಾಕ್​ನ ನೆಲ ಮಹಡಿಯಲ್ಲಿ ಸ್ಥಾಪಿಸಿರುವ ಹೆಚ್ಚುವರಿ ಸ್ಕ್ಯಾನ್ ಸೆಂಟರ್​, ಸಮ್ರಗ ಶಿಶು ಅಭಿವೃದ್ಧಿ ಕೇಂದ್ರವಾದ ಪರಿವರ್ಧನವನ್ನು ಉದ್ಘಾಟಿಸಿದರು. ಈ ಕೇಂದ್ರವು ಪೀಡಿಯಾಟ್ರಿಕ್​, ಸೈಕಿಯಾಟ್ರಿಕ್​, ಫಿಸಿಯೋಥರಪಿ ಮತ್ತು ವಾಕ್​, ಶ್ರವಣ ವಿಭಾಗಗಳ ಜಂಟಿ ಯೋಜನೆಯಾಗಿದೆ. ಪರಿವರ್ಧನ ಕೇಂದ್ರವು ಉತ್ತರ ಕರ್ನಾಟಕದಲ್ಲಿ ಮಕ್ಕಳ ಪರಿಪೂರ್ಣ ಆರೈಕೆಯನ್ನು ಒದಗಿಸುವ ಮೊದಲ ಕೇಂದ್ರವಾಗಿದೆ.

ಎಸ್​ಡಿಎಂ ಸಂಸ್ಥೆಗಳ ಉಪಾಧ್ಯಕ್ಷ ಡಿ. ಸುರೇಂದ್ರಕುಮಾರ, ಉಪಕುಲಪತಿ ಡಾ. ನಿರಂಜನ್​ ಕುಮಾರ್​, ವೈದ್ಯಕಿಯ ಅಧೀಕ್ಷಕ ಡಾ. ಕಿರಣ್​ ಹೆಗ್ಡೆ, ಉಪ ವೈದ್ಯಕಿಯ ಅಧೀಕ್ಷಕ ಡಾ. ಮಖ್ದೂಮ್​ ಕಿಲ್ಲೇದಾರ್​, ವಿಕಿರಣಶಾಸ್ತ್ರ ವಿಭಾಗದ ಮುಖ್ಯಸ್ಥ ಡಾ. ಪ್ರೀತಂ ಪಾಟೀಲ, ಮಕ್ಕಳ ತಜ್ಞ ವಿಭಾಗದ ಮುಖ್ಯಸ್ಥ ಡಾ. ವಿಜಯ್​ ಕುಲಕರ್ಣಿ, ಇತರರು ಇದ್ದರು.