ಸೋಂಪುರ ಹೋಬಳಿ ಬರಗೇನಹಳ್ಳಿ ಗ್ರಾಮದಲ್ಲಿ ಸರ್ವೇಗೆ ಬಂದಿದ್ದ ಅಧಿಕಾರಿಗಳ ವಿರುದ್ಧ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದರು. ಪರಿಸರ ಇಲಾಖೆ ಅಧಿಕಾರಿ ಭೀಮಸಿಂಗ್ ಬೋಗಿ, ಡಿಎಂಜಿ ಮೂರ್ತಿ, ಅರಣ್ಯ ಅಧಿಕಾರಿ ಮಂಜುನಾಥ , ದಾಬಸ್ಪೇಟೆ ನೀರಿಕ್ಷಕ ಬಿ.ರಾಜು ಇದ್ದರು.
ದಾಬಸ್ಪೇಟೆ : ನೆಲಮಂಗಲ ತಾಲೂಕು ಸೋಂಪುರ ಹೋಬಳಿಯ ಬರಗೇನಹಳ್ಳಿ ವ್ಯಾಪ್ತಿಯಲ್ಲಿ ಕೆಐಎಡಿಬಿ ಜಮೀನಿನಲ್ಲಿ ಆರಂಭಿಸಿರುವ ಜಲ್ಲಿ ಕ್ರಷರ್ನಿಂದ ಈ ಭಾಗದ ಜನರು ಕಿರಿಕಿರಿ ಎದುರಿಸುತ್ತಿದ್ದು, ಅಧಿಕಾರಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಗ್ರಾಮಾಂತರ ಪರಿಸರ ಇಲಾಖೆ ಹಾಗೂ ಅರಣ್ಯ ಇಲಾಖೆ ಅಧಿಕಾರಿಗಳು ಸೋಮವಾರ ಈ ಪ್ರದೇಶದ ಪರಿಶೀಲನೆಗೆ ಬಂದ ವೇಳೆ ಸ್ಥಳಿಯರು ಅಧಿಕಾರಿಗಳ ವಿರುದ್ಧ ಮುಗಿಬಿದ್ದು ಈ ಭಾಗದಲ್ಲಿ ಅನಧಿಕೃತವಾಗಿ ಕ್ರಷರ್ ನಡೆಸಲು ಅನುಮತಿ ನೀಡಲಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಸೋಂಪುರ ಹೋಬಳಿ ಬರಗೇನಹಳ್ಳಿ, ತಿಪ್ಪಗೊಂಡನಹಳ್ಳಿ ಜಲಾನಯನ ಪ್ರದೇಶವಾಗಿದ್ದು, ಈ ಭಾಗದಲ್ಲಿ ಸರಿಯಾದ ರೀತಿ ಸರ್ವೇ ನಡೆಸಿ ಇಲಾಖೆಗಳು ಸಮರ್ಪಕ ಮಾಹಿತಿ ನೀಡದ ಪರಿಣಾಮ ಕ್ರಷರ್ ಸದ್ದು ಕೇಳುವಂತಾಗಿದೆ. ಅಧಿಕಾರಿಗಳ ರ್ನಿಲಕ್ಷ$್ಯದಿಂದ ಗ್ರಾಮದ ಜನರು ವ್ಯಥೆಪಡುವಂತಾಗಿದೆ ಎಂದು ಅಲವತ್ತುಗೊಂಡರು.
ಬ್ಲಾಸ್ಟ್ಗೆ ಗೋಡೆ ಬಿರುಕು : ಕ್ರಷರ್ನಲ್ಲಿ ಕಲ್ಲು ಸಿಡಿಸುವ ಭಾರಿ ಶಬ್ದಕ್ಕೆ ಈ ಭಾಗದಲ್ಲಿ ಹಲವು ಮನೆಗಳ ಗೋಡೆಗಳು ಬಿರುಕುಬಿಟ್ಟಿವೆ. ಈಗಾಗಲೇ ಇಲ್ಲಿನ ಮೂರು ಹಸುಗಳು ಇದರಿಂದ ಮೃತಪಟ್ಟಿವೆ. ಶಬ್ದಕ್ಕೆ ಭೂಮಿ ಅದುರಿದ ಅನುಭವವಾಗುತ್ತಿದೆ. ಜೀವಭಯದಲ್ಲಿ ದಿನದೂಡುವ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ಸ್ಥಳಿಯರು ಅಧಿಕಾರಿಗಳ ಮುಂದೆ ಗ್ರಾಮದ ಜಯಣ್ಣ ಅಳಲು ತೋಡಿಕೊಂಡರು.
ಮಾಲಿನ್ಯ ಕಿರಿಕಿರಿ : ಸೋಂಪುರ ಹೋಬಳಿಯ ಬಿಲ್ಲಿನಕೋಟೆ ಗ್ರಾಮದಲ್ಲಿ ಸರ್ವೇ ನಡೆಸಿ ಕ್ರಷರ್ ನಡೆಸಲು ಅನುಮತಿ ನೀಡಲಾಗಿದೆ. ಆದರೆ, ಇಲ್ಲಿನ ಮಾಲೀಕರು ಬರಗೇನಹಳ್ಳಿಯಲ್ಲಿ ಕ್ರಷರ್ ಆರಂಭಿಸಿದ್ದಾರೆ. ಇದರಿಂದ ಗ್ರಾಮದಲ್ಲಿ ವಿಪರೀತ ಶಬ್ದ ಮಾಲಿನ್ಯ ಉಂಟಾಗಿದೆ. ಇಲ್ಲಿನ ಧೂಳಿನಿಂದ ಪರಿಸರ ಮಾಲಿನ್ಯವಾಗುತ್ತಿದೆ. ಬೆಳೆಗಳ ಮೇಲೆ ಧೂಳು ಆವರಿಸಿ ನಷ್ಟ ಎದುರಿಸುವಂತಾಗಿದೆ ಎಂದು ಗ್ರಾಮದ ಬಿ.ಎನ್.ಪರಮೇಶ ದೂರಿದರು. ಸುಮಾರು 124 ಎಕರೆ ಜಮೀನನ್ನು ಖಾಸಗಿ ಕಂಪನಿ ಪಡೆದಿದೆ. ಮಳೆಗಾಲದಲ್ಲಿ ್ಯಾಕ್ಟರಿ ಪಕ್ಕದ ಮನೆಗಳಿಗೆ ನೀರು ನುಗ್ಗಿ ಅವಾಂತರ ಸೃಷ್ಟಿಯಾಗುತ್ತಿದೆ. ಈ ಬಗ್ಗೆ ಪ್ರಶ್ನಿಸಿದರೆ ಪೊಲೀಸರ ಮೂಲಕ ಬೆದರಿಸುತ್ತಾರೆ ಎಂದು ಗ್ರಾಮದ ಮುಖಂಡ ಬಿ.ಆರ್.ಪುಟ್ಟಗಂಗಯ್ಯ ಅಳಲು ತೋಡಿಕೊಂಡರು.
