ಅಲ್ಲದೆ, ಮುಂದಿನ ಐದು ವರ್ಷಗಳಲ್ಲಿ ಕಂಪನಿಯು 5000 ಕೋಟಿ ರೂ.ಗಳ ವಹಿವಾಟು ನಿರೀಕ್ಷೆ ಹೊಂದಿದ್ದು, ಅದನ್ನು ತಲುಪಬೇಕಾದರೆ ಜಾಗತಿಕ ಸ್ಪರ್ಧೆ ಅನಿವಾರ್ಯವಾಗಿದೆ. ಮೈಸೂರು ಸ್ಯಾಂಡಲ್ ಸೋಪ್ ಮತ್ತು ಅದರ ಉತ್ಪನ್ನಗಳು ಜಾಗತಿಕ ಬ್ರ್ಯಾಂಡ್ಗೆ ಸಮಾನವಾದುದು. ಜಗತ್ತಿಗೆ ಹೆಚ್ಚು ತೆರೆದುಕೊಂಡಷ್ಟು ಲಾಭ ಕುರುನಾಡಿಗೆ ಎಂಬುದನ್ನು ಯಾರೂ ಮರೆಯಬಾರದು. ನಟಿ ತಮನ್ನಾ ನೇಮಕ ಪ್ರಚಾರ ತಂತ್ರಗಾರಿಕೆಯ ಭಾಗವೇ ಹೊರತು ಬೇರೇನಿಲ್ಲ ಎಂಬುದನ್ನು ಎಲ್ಲರೂ ಅರಿಯಬೇಕು. ನಮ್ಮ ನೆಲದ ಎಷ್ಟೋ ಖ್ಯಾತನಾಮರು ಬೇರೆ ರಾಜ್ಯಗಳ, ದೇಶಗಳ ಕಂಪನಿಗಳ ಉತ್ಪನ್ನಗಳಿಗೆ ರಾಯಭಾರಿಗಳಾಗಿಲ್ಲವೇ ಇದೂ ಅದೇ ರೀತಿ ಎಂಬುದನ್ನು ಎಲ್ಲರೂ ಅರಿಯಬೇಕು. ಸಂಕುಚಿತ, ಸೀಮಿತ ಮನೋಭಾವ ಬಿಟ್ಟು ನಮ್ಮ ಅಸ್ಮಿತೆಯಂತಿರುವ ಮೈಸೂರು ಸ್ಯಾಂಡಲ್ ಸೋಪ್ ಅನ್ನು ಜಾಗತಿಕ ಮಾರುಕಟ್ಟೆಯ ನಾಯಕನನ್ನಾಗಿ ಮಾಡುವ ಗುರಿ ನಮ್ಮದಾಗಬೇಕು. ಅದಕ್ಕೆ ತಮನ್ನಾ ಆದರೇನು, ಬೇರೆಯವರಾದರೇನು. ಕಂಪನಿಯ ಗುರಿ 5 ಸಾವಿರ ಕೋಟಿ ರೂಪಾಯಿ ತಲುಪಿದ ಮೇಲೆ ವಿದೇಶಿಯರೇ ರಾಯಭಾರಿಯಾದರೂ ಸರಿಯೇ. ಅದು ಕರುನಾಡಿನ ಗರ್ವವಲ್ಲವೇ. ಈ ನೆಲದ, ಈ ಪರಂಪರೆಯ ಮಾರ್ಜಾಲವೊಂದು ಜಾಗತಿಕ ಉತ್ಪನ್ನವಾಗುವುದು ಕನ್ನಡಿಗರಿಗೆ ಹೆಮ್ಮೆಯಲ್ಲವೇ?
