ಚಿಕ್ಕರಂಗನಾಥ ಕೆರೆ, ಕೊಂಗಳಗೆರೆ ಕೆರೆ ಮತ್ತು ಕುಪ್ಪಮ್ಮ ಕಾಲುವೆ ಮೂಲಕ ಈ ನೀರು ನದಿ ಸೇರುತ್ತಿದೆ. ಈ ನೀರನ್ನು ರೈತರು ಬಳಸಿ ರೈತರು ಬೆಳೆ ಗುಣಮಟ್ಟದ್ದಾಗಿರುತ್ತದೆಯೇ? ಈ ಆಹಾರ ಎಷ್ಟು ಸುರಕ್ಷಿತ? ನಗರಸಭೆಯ ಪೌರಾಯುಕ್ತರು, ಪರಿಸರ ಅಧಿಕಾರಿಗಳು, ಆರೋಗ್ಯ ಅಧಿಕಾರಿಗಳು ಹಾಗು ಜನಪ್ರತಿನಿಧಿಗಳು ಹಾಗೂ ನಗರಸಭೆ ಆಡಳಿತ ಜೀವಂತವಿದೆಯೇ? ಮಕ್ಕಳ ಹಾಗೂ ವಯಸ್ಕರ ಹಾಗೂ ಸಾರ್ವಜನಿಕರ ಆರೋಗ್ಯದ ಹಿತದೃಷ್ಟಿ ಮತ್ತು ಶುದ್ಧ ಪರಿಸರಕ್ಕಾಗಿ 1 ತಿಂಗಳ ಅವಧಿಯಲ್ಲಿ ಕೆಟ್ಟು ನಿಂತಿರುವ ಯುಜಿಡಿಯ ಸಂಸ್ಕರಣಾ ಘಟಕದ ಯಂತ್ರಗಳನ್ನು ರಿಪೇರಿ ಮಾಡಿಸಿ, ಕಲುಷಿತ ಚರಂಡಿ ನೀರು ಹಾಗೂ ಒಳಚರಂಡಿ ನೀರನ್ನು ಕಾವೇರಿ ನದಿಗೆ ಬಿಡುವ ಬದಲು ಶುದ್ಧೀಕರಿಸಿ ರೈತರ ಜಮೀನಿಗೆ ಬಿಡಬೇಕು. ಇಲ್ಲವಾದಲ್ಲಿ ರೈತ ಸಂಘ, ವಿವಿಧ ಸಂಘಟನೆ ಬೆಂಬಲದೊಂದಿಗೆ ನಗರಸಭೆ ಆಡಳಿತ ವಿರುದ್ಧ ಹೋರಾಟ ನಡೆಸಲಾಗುವುದು. ಸಾರ್ವಜನಿಕರ ಆರೋಗ್ಯ, ಜೀವ ಮತ್ತು ಜೀವನದ ಜತೆ ಚೆಲ್ಲಾಟವಾಡುತ್ತಿರುವ ನಗರಸಭೆ ಅಧಿಕಾರಿಗಳ ಮತ್ತು ಜನಪ್ರತಿನಿಧಿಗಳ ವಿರುದ್ಧ ಸಾರ್ವಜನಿಕವಾಗಿ ನ್ಯಾಯಾಲಯದಲ್ಲಿ ಕ್ರಿಮಿನಲ್ ಮೊಕದ್ದಮೆ ದಾಖಲು ಮಾಡಲಾಗುವುದು ಎಂದು ಸದಸ್ಯೆ ಜಯಮೇರಿ ಎಚ್ಚರಿಸಿದ್ದಾರೆ.
