ಗ್ರಾಮದ ಗುಜ್ಜಮ್ಮ ಎಂಬ ವೃದ್ಧೆ ವಂಚನೆಗೆ ಒಳಗಾದವರು. ಬುಡಬುಡಿಕೆ ವೇಷಧಾರಿರೊಬ್ಬ ಕಣಿಶಾಸ್ತ್ರ ಹೇಳುವುದಾಗಿ ಬಡಾವಣೆಯಲ್ಲಿ ಸಂಚರಿಸುತ್ತಿದ್ದ, ಈ ವೇಳೆ ವೃದ್ದೆಯ ಮನೆ ಬಳಿ ಬಂದು ನಿಮ್ಮ ಮಗನಿಗೆ ತೊಂದರೆಯಾಗುವ ಸಾಧ್ಯತೆ ಇದೆ ಎಂದು ಕಣಿ ಶಾಸ್ತ್ರ ಹೇಳಿ ಆತಂಕ ಹುಟ್ಟಿಸಿದ್ದಾನೆ. ಇದರಿಂದ ಗಾಬರಿಗೊಂಡು ಸಮಸ್ಯೆಗೆ ಪರಿಹಾರವನ್ನು ವೃದ್ಧೆ ಕೇಳಿಕೊಂಡಿದ್ದಾರೆ. ಇದೇ ಅವಕಾಶ ಬಳಸಿಕೊಂಡು ಬುಡುಬುಡಿಕೆ ವೇಷಧಾರಿ ಕುಡಿಕೆ ಮಾಡಿಕೊಡುವುದಾಗಿಯೂ, ಕುಡಿಕೆಯೊಳಗೆ ತಮ್ಮಲ್ಲಿರುವ ಚಿನ್ನಾಭರಣ ಹಾಕುವಂತೆ ಹೇಳಿದ್ದಾನೆ. ಇದನ್ನು ನಂಬಿದ ಗುಜ್ಜಮ್ಮ ತಮ್ಮಲ್ಲಿದ್ದ 12 ಗ್ರಾಂ. ಚಿನ್ನದ ಕಾಸು ಹಾಗೂ ಗುಂಡುಗಳನ್ನು ಕೊಟ್ಟಿದ್ದಾರೆ. ನಂತರ ಪೂಜೆ ಮಾಡುವ ನೆಪದಲ್ಲಿ ಚಿನ್ನದ ಆಭರಣಗಳನ್ನು ತನ್ನ ಜೋಳಿಗೆಯೊಳಗೆ ಹಾಕಿಕೊಂಡು ಕುಡಿಕೆಗೆ ಬಟ್ಟೆ ಸುತ್ತಿ ಸಂಜೆ ನಂತರ ಕುಡಿಕೆಯಿಂದ ಚಿನ್ನಾಭರಣ ತೆಗೆದುಕೊಳ್ಳುವಂತೆ ಹೇಳಿ ಸ್ಥಳದಿಂದ ಕಾಲ್ಕಿತ್ತಿದ್ದಾನೆ.
