ಯುವಕರಲ್ಲಿ ಜಾನಪದ ಆಸಕ್ತಿ ಮೂಡಿಸಿ

ಶಿರಾ : ಗ್ರಾಮೀಣ ಜಾನಪದ ಕಲೆಯನ್ನು ಮುಂದಿನ ಪೀಳಿಗೆಗೆ ಉಳಿಸಿ ಕೊಡುವುದು ನಮ್ಮೆಲ್ಲರ ಕರ್ತವ್ಯ ಎಂದು ನಗರಸಭೆ ಸದಸ್ಯ ಆರ್​.ಉಗ್ರೇಶ್​ ತಿಳಿಸಿದರು.

ಸರ್ಕಾರಿ ಕಲಾ, ವಿಜ್ಞಾನ ಮತ್ತು ವಾಣಿಜ್ಯ ಪ್ರಥಮ ದರ್ಜೆ ಕಾಲೇಜಿನಲ್ಲಿ ನಡೆದ ಜಾನಪದ ಉತ್ಸವ 2025 ಅನ್ನು ಉದ್ಘಾಟಿಸಿ ಮಾತನಾಡಿ, ಗ್ರಾಮೀಣ ಪ್ರದೇಶದ ಜನರು ಅಂದಿನ ಕಾಲಘಟ್ಟದಲ್ಲಿ ಮನರಂಜನೆಗೆ, ಬದುಕಿನ ನೋವು&-ನಲಿವನ್ನು ಪದ ಮಾಡಿ ಹಾಡುತ್ತಿದ್ದರು. ನೃತ್ಯದ ಮೂಲಕ ಗ್ರಾಮೀಣ ಸಂಸತಿ ಬಿಂಬಿಸಿದಾರೆ ಎಂದರು.

ನಗರಸಭೆ ಸದಸ್ಯ ಎಸ್​.ಎಲ್​.ರಂಗನಾಥ ಮಾತನಾಡಿ, ಕರ್ನಾಟಕ ಜಾನಪದ ಲೋಕದಲ್ಲಿ ಜಾನಪದ ನೃತ್ಯಗಳಾದ ಡೊಳ್ಳು ಕುಣಿತ, ವೀರಗಾಸೆ, ಕಂಸಾಳೆ, ಪೂಜಾ ಕುಣಿತ, ಹುಲಿವೇಷ ಇಂದಿಗೂ ಜೀವಂತವಾಗಿವೆ. ಆದರೂ ಕೊರವ, ಗೊರವರ ಕುಣಿದಂತ ಹಲವು ನೃತ್ಯ ಅಳಿವಿನಂಚಿಗೆ ತಲುಪಿದೆ. ಸಂಘ&ಸಂಸ್ಥೆಗಳು ಅವುಗಳನ್ನು ಮುಂದಿನ ಪಿಳಿಗೆಗೆ ಉಳಿಸಬೇಕು ಎಂದರು.

ಪ್ರಾಂಶುಪಾಲ ಚಂದ್ರಶೇಖರಪ್ಪ ಮಾತನಾಡಿ, ಯುವಕರಲ್ಲಿ ಜಾನಪದ ಆಸಕ್ತಿ ಮೂಡಿಸಲು ಕರ್ನಾಟಕ ಸರ್ಕಾರ ರಾಜ್ಯದ ಕಾಲೇಜುಗಳಲ್ಲಿ ಜಾನಪದ ಉತ್ಸವ ಆಚರಿಸಲು ಅವಕಾಶ ಕಲ್ಪಿಸಿದೆ ಎಂದರು.

ಉಪನ್ಯಾಸಕರು, ವಿದ್ಯಾರ್ಥಿಗಳು ಜಾನಪದ ಉಡುಪಾದ ಪಂಚೆ, ಶರ್ಟ್​ ಹಾಗೂ ಸೀರೆಯನ್ನು ಧರಿಸಿದ್ದರು. ಎತ್ತಿನಗಾಡಿಯ ಮೂಲಕ ಮೆರವಣಿಗೆ ನಡೆಸಲಾಯಿತು. ವಿದ್ಯಾರ್ಥಿಗಳು ಜಾನಪದ ಇತಿಹಾಸಕ್ಕೆ ಸಂಬಂಧಿಸಿದ ನೃತ್ಯ ಕಾರ್ಯಕ್ರಮ ನಡೆಸಿಕೊಟ್ಟರು.

ಹೊನ್ನಾಂಜನಯ್ಯ, ತಿರುಮಲ, ಸುಕನ್ಯಾ, ಬಾಳಪ್ಪ, ತಿಪ್ಪೇಸ್ವಾಮಿ, ಕಾವ್ಯಾ, ಪ್ರಭಾಸ್​ ಪಂಡಿತ್​, ಕುಮಾರ್​, ವಿಜಯ್​ ಕುಮಾರ್​, ನಳಿನ, ತಿಮ್ಮರಾಜು, ಹರೀಶ್​, ಹರ್ಷ, ಗುಡ್ಡಣ್ಣ, ಇದ್ದರು.