ಕನ್ನಡ ತನ್ನ ನಾಡಿನಲ್ಲೇ ನಿರೀಕ್ಷಿತ ಮಟ್ಟದಲ್ಲಿ ಬೆಳವಣಿಗೆಯಾಗುತ್ತಿಲ್ಲ. ಕನ್ನಡಿಗರೇ ವಲಸಿಗರ ಭಾಷೆ ಕಲಿತು ತಾವೇ ವಲಸಿಗರಾಗುತಿದ್ದಾರೆ. ವಲಸಿಗರಿಗೆ ಕನ್ನಡ ಕಲಿಕೆಯ ಅನಿರ್ವಾಯನ್ನು ನಾವು ಸೃಷ್ಟಿ ಮಾಡುತ್ತಿಲ್ಲ. ದೇಶದ ಹಲವಾರು ಭಾಷೆಗಳು ತಮ್ಮ ಅಸ್ತಿತ್ವ ಕಳೆದುಕೊಂಡಿವೆ. 2011ರ ಜನಗಣತಿಯ ಪ್ರಕಾರ ದೇಶದಲ್ಲಿ 19,569 ಭಾಷೆಗಳಿವೆ. 22 ಭಾಷೆಗಳು ಸಂವಿಧಾನಿಕವಾಗಿ ರಾಜ್ಯ ಭಾಷೆಗಳಾಗಿ ಗುರುತಾಗಿದ್ದು, ಇವುಗಳ ರಕ್ಷಣೆಗೆ ಸಂವಿಧಾನದ ಕಾನೂನು, ಆಡಳಿತ, ರಾಜ್ಯಗಳು ನೆರವಾಗಿವೆ. ಇನ್ನುಳಿದ ಭಾಷೆಗಳ ಉಳಿವಿಗೆ ಯಾವುದೇ ಆಸರೆ ಇಲ್ಲ. ಭಾಷೆಗಳು ನಾಶವಾಗುತ್ತಿರುವುದು ಕೇವಲ ಭಾರತದಲ್ಲಿ ಮಾತ್ರವಲ್ಲ ಜಗತ್ತಿ ಎಲ್ಲೆಡೆ ಕಂಡು ಬರುತ್ತಿರುವ ಸಮಸ್ಯೆಯಾಗಿದೆ ಎಂದರು.
