ಮಂಗಳವಾರ ರಾತ್ರಿ ಸರ್ಕಾರಿ ಪ್ರೌಢಶಾಲೆ ಕಾಂಪೌಂಡ್ ಬಳಿ ಕೊಳವೆಬಾವಿ ಕೊರೆದಿದ್ದು, ಶಾಲೆಯ ಮೂರು ಕೊಠಡಿಗಳು ಹಾಗೂ ನೆಲ ಬಿರುಕುಬಿಟ್ಟಿದೆ. ಬುಧವಾರ ಬೆಳಗ್ಗೆ ಶಾಲೆ ಆರಂಭಗೊಂಡಿದ್ದು ಶಿಕ್ಷಕರು ಆಗಮಿಸಿದಾಗ ನೆಲ ಹಾಗೂ ಗೋಡೆಗಳು ಬಿರುಕು ಬಿಟ್ಟಿರುವುದು ಗಮನಕ್ಕೆ ಬಂದಿದೆ.
ಶಾಲಾ ಆಡಳಿತ ಮಂಡಳಿ ಗಮನಕ್ಕೂ ತರದೆ ಬೋರ್ವೆಲ್ ಕೊರೆದಿದ್ದಾರೆ. ಕಟ್ಟಡ ಹಳೆಯದಾಗಿದ್ದರೂ ಗಟ್ಟಿಮುಟ್ಟಾಗಿತ್ತು. ಆಲ್ದೂರು ಗ್ರಾಪಂನಿಂದ ಅನುಮತಿ ನೀಡಿಲ್ಲ ಎನ್ನುತ್ತಿದ್ದಾರೆ ಪಿಡಿಒ. ಹಾಗಾದರೆ ಅನುಮತಿ ನೀಡಿದವರು ಯಾರು? ಶಾಲೆಗೆ ಈ ಬಾರಿ ಎಸ್ಎಸ್ಎಲ್ಸಿಯಲ್ಲಿ ಉತ್ತಮ ಲಿತಾಂಶ ದೊರೆತ ಕಾರಣ ದಾಖಲಾತಿ ಹೆಚ್ಚಾಗಿದೆ. ಆದರೆ ಕೊಠಡಿ ಸಮಸೆ ್ಯಇದೆ. ಬೋರ್ವೆಲ್ ಕೊರೆಯುವ ವೇಳೆ ಕೊಠಡಿಗಳಿಗೆ ಹಾನಿಯಾಗಿದೆ. ಬೋರ್ವೆಲ್ ಕೊರೆಯುವ ಏಜೆನ್ಸಿ ಹಾನಿಯನ್ನು ತುಂಬಿಕೊಡಬೇಕು. ಈ ಬಗ್ಗೆ ಆಲ್ದೂರು ಠಾಣೆಗೆ ದೂರು ನೀಡಿದ್ದೇವೆ ಎಂದು ಎಸ್ಡಿಎಂಸಿ ಅಧ್ಯಕ್ಷ ಎ.ಯು.ಇಬ್ರಾಹಿಂ ತಿಳಿಸಿದ್ದಾರೆ.
