ತಾಲೂಕಿನ ಬೆಳಕವಾಡಿ ಗ್ರಾಮದಲ್ಲಿ ಗುರುವಾರ ಸಿಪಿಐ(ಎಂ)ಶಾಖಾ ಸಮ್ಮೇಳನದ ಭಾಗವಾಗಿ ಆಯೋಜಿಸಿದ್ದ ಬಹಿರಂಗ ಸಭೆ ಉದ್ದೇಶಿಸಿ ಮಾತನಾಡಿ, ಸ್ವಾತಂತ್ರೃ ನಂತರ ದೇಶದಲ್ಲಿ ಆಳ್ವಿಕೆ ನಡೆಸಿದ ಬಂಡವಾಳಶಾಹಿ ರಾಜಕೀಯ ಪಕ್ಷಗಳು ಆರ್ಥಿಕ ಬಲಾಢ್ಯರು ಹಾಗೂ ಭೂ ಮಾಲೀಕರ ಹಿತ ಕಾಪಾಡಿಕೊಂಡು ಬರುತ್ತಿವೆ. ಹೀಗಾಗಿ ದೇಶದಲ್ಲಿ ಬಡತನ, ನಿರುದ್ಯೋಗ, ಅಸಮಾನತೆ ತೊಲಗಿಸಲು ಸಾಧ್ಯವಿಲ್ಲ ಎಂದರು.
ಸ್ವಾತಂತ್ರೃ ಚಳವಳಿಯಲ್ಲಿ ತ್ಯಾಗಜೀವಿಗಳು ಮಾಡಿದ ಸೇವೆ, ಬಲಿದಾನದ ಮೂಲಕ ಗಳಿಸಿದ ಸ್ವಾತಂತ್ರೃದ ಆಶಯ ಮತ್ತು ದೇಶ ಪ್ರೇಮಿಗಳು ಕಂಡ ಕನಸು ನನಸಾಗದೆ ಉಳಿದಿವೆ ಎಂದು ಬೇಸರ ವ್ಯಕ್ತಪಡಿಸಿದರು.
ದುಡಿಯುವ ವರ್ಗದ ರೈತ, ಕೂಲಿ ಕಾರ್ಮಿಕರ ಪರವಾದ ಆಡಳಿತಕ್ಕಾಗಿ ಮತದಾರರು ಸಿಪಿಎಂ ಪಕ್ಷ ಬೆಂಬಲಿಸಿ ಬೆಳೆಸಬೇಕಿದೆ. ಏಕೆಂದರೆ ಸಿಪಿಎಂ ಆಡಳಿತದಲ್ಲಿ ಆರೋಗ್ಯ, ಶಿಕ್ಷಣ, ಬಡವರ ನಿವೇಶನ, ವಸತಿಗೆ ಆದ್ಯತೆ ನೀಡುವುದರ ಜತೆಗೆ ಸುರಕ್ಷಿತ ಆಹಾರ ಸೇವನೆಗೂ ಕಾಳಜಿ ವಹಿಸಲಾಗುತ್ತದೆ. ಇದಕ್ಕೆ ಮಾದರಿ ಕೇರಳ ರಾಜ್ಯವಾಗಿದ್ದು, ಇಲ್ಲಿ ಸಿಪಿಎಂ ಪಕ್ಷ ಅಧಿಕಾರ ನಡೆಸುತ್ತಾ ಇಡೀ ದೇಶದಲ್ಲೇ ಉತ್ತಮ ಆಡಳಿತದಲ್ಲಿ ಮೊದಲನೇ ಸ್ಥಾನದಲ್ಲಿದೆ ಎಂದರು.
