ಫಿಲಿಫೈನ್ಸ್ ದೇಶದಲ್ಲಿ ೧೮೦ಕ್ಕೂ ಹೆಚ್ಚು ಮಂದಿ ಕರೊನಾ ಸೋಂಕಿತರಿದ್ದಾರೆ. ನಮ್ಮನ್ನ ಮನೆಯಲ್ಲಿಯೇ ಕೂಡಿ ಹಾಕಿದ್ದಾರೆ. ಅನ್ನಾಹಾರಕ್ಕೂ ತತ್ವಾರ ಬಂದಿದೆ. ಹೊರಗೆ ಕಾಲಿಡುವುದಕ್ಕೂ ಬಿಡುತ್ತಿಲ್ಲ. ಮಾಲ್ಗಳೂ ಓಪನ್ ಇಲ್ಲ. ಇದಕ್ಕಿಂತ ಜೈಲು ವಾಸವೇ ಉತ್ತಮ. ಫಿಲಿಪೈನ್ಸ್ ಈಗ ಲಾಕ್ಡೌನ್ ಅವಧಿಯನ್ನು ಆರು ತಿಂಗಳಿಗೆ ವಿಸ್ತರಿಸಿದ್ದು, ಪರಿಸ್ಥಿತಿ ಬಿಗಡಾಯಿಸಿದರೆ ಮುಂದುವರಿಸುವ ಸೂಚನೆಯನ್ನೂ ಕೊಟ್ಟಿದೆ. 72 ಗಂಟೆಗಳ ಕಾಲ ಅವಕಾಶ ಕೊಟ್ಟಿತ್ತು. ವಿಮಾನದ ಟಿಕೆಟ್ ಬುಕ್ ಮಾಡಿದ್ದೆವು. ಆದರೆ, ಭಾರತ ಸರ್ಕಾರ ವಿಮಾನ ಹಾರಾಟಕ್ಕೆ ಗಡುವು ವಿಧಿಸಿದ್ದು ನಮಗೆ ಕಂಟಕವಾಗಿದೆ. ಭಾರತದ ಬೇರೆ ಬೇರೆ ರಾಜ್ಯಗಳ ವಿದ್ಯಾರ್ಥಿಗಳಿದ್ದೇವೆ ಇಲ್ಲಿ. ಎಲ್ಲರನ್ನೂ ವಾಪಸ್ ಕರೆಯಿಸಿಕೊಳ್ಳಿ ಎಂದು ರಶ್ಮಿ ಮತ್ತು ಸಹನಾ ಅಳಲು ತೋಡಿಕೊಂಡಿದ್ದಾರೆ.
