ಸೋನಾರಕೇರಿ ನಿವಾಸಿ ಗೀತಾ ಮೋಹನ ಶೇಟ್(55) ಸೋಮವಾರ ಮನೆಯಲ್ಲೇ ಮೃತಪಟ್ಟಿದ್ದರು. ಸುಟ್ಟ ಗಾಯಗಳಿಂದಾಗಿ ಮಣಿಪಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಈಕೆ, ಕರೊನಾ ಪಸರಿಸುವ 15 ದಿನಗಳ ಹಿಂದೆ ಡಿಸ್ಚಾರ್ಜ್ ಆಗಿ ಮನೆಯಲ್ಲೇ ಚಿಕಿತ್ಸೆ ಮುಂದುವರಿಸಿದ್ದರು. ಚಿಕಿತ್ಸೆ ಫಲಿಸದೆ ಸೋಮವಾರ ರಾತ್ರಿ ಮಹಿಳೆ ಮೃತಪಟ್ಟರು. ಇದರಿಂದ ಆತಂಕಗೊಂಡ ಗ್ರಾಮಸ್ಥರು ಮಹಿಳೆಗೆ ಕರೊನಾ ಇದೆ ಶಂಕಿಸಿ ತಾಲೂಕಾಡಳಿತಕ್ಕೆ ದೂರು ನೀಡಿದರು. ಇವರಲ್ಲಿ ಕರೊನಾದ ಯಾವುದೇ ಲಕ್ಷಣಗಳಿಲ್ಲ ಎಂದು ವೈದ್ಯರು ಹೇಳಿದರೂ ಕೇಳಲಿಲ್ಲ. ಕೊನೆಗೆ ಆಕೆಯ ಪತಿಯನ್ನು ಕ್ವಾರಂಟೈನ್ ಮಾಡಿ, ಶವದ ಕಫ ಮಾದರಿಯನ್ನು ಪರೀಕ್ಷೆಗೆ ಕಳಿಸಲಾಗಿತ್ತು. ಬುಧವಾರ ವರದಿ ನೆಗೆಟಿವ್ ಬಂದಿದ್ದು, ಸಂಜೆ ಅಂತ್ಯಕ್ರಿಯೆ ನೇರವೇರಿಸಲಾಯಿತು.
