ಸೋಂಕಿನಿಂದ 1,267 ಮಂದಿ ಗುಣಮುಖ : ಮಂಗಳವಾರ 27 ವಿದ್ಯಾರ್ಥಿಗಳಿಗೆ ಸೋಂಕು

ಬೆಂಗಳೂರು : ನಗರದಲ್ಲಿ 1,267 ಮಂದಿ ಕರೊನಾ ಸೋಂಕಿನಿಂದ ಮುಕ್ತರಾಗಿದ್ದು, ಒಟ್ಟು ಸೋಂಕಿನಿಂದ 3,43,169 ಮಂದಿ ಗುಣಮುಖರಾಗಿದ್ದಾರೆ. ಮತ್ತೊಂದೆಡೆ 927 ಹೊಸ ಸೋಂಕು ಪ್ರಕರಣ ಪತ್ತೆಯಾಗಿದ್ದು, ಒಟ್ಟು ಕೊರೋನಾ ಸೋಂಕಿತರ ಸಂಖ್ಯೆ 3,65,317 ಏರಿಕೆಯಾಗಿದೆ. ಸೋಂಕಿಗೆ 12 ಮಂದಿ ಬಲಿಯಾಗಿಗುವ ಮೂಲಕ ಒಟ್ಟು ಕೋವಿಡ್ ಮೃತರ ಸಂಖ್ಯೆ 4,090 ತಲುಪಿದೆ. ಆಸ್ಪತ್ರೆ, ಆರೈಕೆ ಕೇಂದ್ರ ಮತ್ತು ಮನೆ ನಿಗಾದಲ್ಲಿ 18,057 ಸಕ್ರಿಯ ಸೋಂಕಿತರಿದ್ದು, ಅದರಲ್ಲಿ 206 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಕಾಲೇಜುಗಳಲ್ಲಿ 35 ಮಂದಿಗೆ ಸೋಂಕು: ಕಾಲೇಜುಗಳಲ್ಲಿ ಕೋವಿಡ್ ಪರೀಕ್ಷೆ ಮುಂದುವರೆದಿದ್ದು, ಮಂಗಳವಾರ 27 ವಿದ್ಯಾರ್ಥಿಗಳು ಹಾಗೂ 8 ಕಾಲೇಜು ಸಿಬ್ಬಂದಿ ಸೇರಿ 35 ಜನರಲ್ಲಿ ಸೋಂಕು ದೃಢಪಟ್ಟಿದೆ. ಮಂಗಳವಾರ 1,943 ವಿದ್ಯಾರ್ಥಿಗಳು, 243 ಶಿಕ್ಷಕರು ಹಾಗೂ 488 ಇತರೆ ಸಿಬ್ಬಂದಿ ಸೇರಿ ಒಟ್ಟು 2,664 ಮಂದಿಗೆ ಕೋವಿಡ್ ಪರೀಕ್ಷೆ ಮಾಡಲಾಗಿದೆ. ಈವರೆಗೆ ಎಲ್ಲ 44,834 ಮಂದಿಯನ್ನು ಪರೀಕ್ಷೆಗೆ ಒಳಪಡಿಸಲಾಗಿದ್ದು, 202ಕ್ಕೆ ಸೋಂಕು ಖಚಿತವಾಗಿದೆ ಎಂದು ಪಾಲಿಕೆ ಮಾಹಿತಿ ನೀಡಿದೆ.