ಕರೊನಾ ಪಾಸಿಟಿವ್ ಇಳಿಮುಖ

ಹಾವೇರಿ: ಜಿಲ್ಲೆಯಲ್ಲಿ ಬುಧವಾರ 17 ಜನರಿಗೆ ಕರೊನಾ ದೃಢಪಟ್ಟಿದ್ದು, 57 ಜನರು ಗುಣವಾಗಿ ಬಿಡುಗಡೆಯಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಸಂಜಯ ಶೆಟ್ಟಣ್ಣವರ ತಿಳಿಸಿದ್ದಾರೆ.

ಈವರೆಗೆ 10,412 ಕೋವಿಡ್-19 ಪಾಸಿಟಿವ್ ಪ್ರಕರಣಗಳು ದೃಢಪಟ್ಟಿವೆ. ಇಂದಿನವರೆಗೆ 9,949 ಜನರು ಸೋಂಕಿನಿಂದ ಗುಣವಾಗಿ ಬಿಡುಗಡೆ ಹೊಂದಿದ್ದಾರೆ. ಈವರೆಗೆ 187 ಜನರು ಕೋವಿಡ್​ನಿಂದ ಮೃತಪಟ್ಟಿದ್ದಾರೆ. 276 ಸಕ್ರಿಯ ಪ್ರಕರಣಗಳಿದ್ದು, ಅದರಲ್ಲಿ 215 ಸೋಂಕಿತರು ಹೋಂ ಐಸೋಲೇಷನ್​ನಲ್ಲಿ ಹಾಗೂ 61 ಸೋಂಕಿತರು ಕೋವಿಡ್ ಕೇರ್ ಆಸ್ಪತ್ರೆ, ಕೋವಿಡ್ ಕೇರ್​ಹೆಲ್ತ್ ಸೆಂಟರ್, ಕೋವಿಡ್ ಕೇರ್ ಸೆಂಟರ್​ಗಳಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದಾರೆ.

ಬ್ಯಾಡಗಿ 1, ಹಾನಗಲ್ಲ 5, ಹಾವೇರಿ 4, ಹಿರೇಕೆರೂರ 2, ರಾಣೆಬೆನ್ನೂರ 4, ಶಿಗ್ಗಾಂವಿ 1 ಒಬ್ಬರಿಗೆ ಸೇರಿ ಒಟ್ಟು 17 ಜನರಿಗೆ ಬುಧವಾರ ಸೋಂಕು ದೃಢಪಟ್ಟಿದೆ. ಸೋಂಕಿನಿಂದ ಗುಣವಾಗಿ ಬುಧವಾರ ಬ್ಯಾಡಗಿ 4, ಹಾನಗಲ್ಲ 4, ಹಾವೇರಿ 4, ಹಿರೇಕೆರೂರು 6, ರಾಣೆಬೆನ್ನೂರು 34, ಸವಣೂರ 3, ಶಿಗ್ಗಾಂವಿ 2 ಜನ ಸೇರಿ 57 ಜನರು ಬಿಡುಗಡೆ ಹೊಂದಿದ್ದಾರೆ.