ಸಂಘದ ತಾಲೂಕು ಅಧ್ಯಕ್ಷ ಎಸ್.ಬಿ.ಮಂಜುನಾಥ ಮಾತನಾಡಿ, ಕರೊನಾ 2ನೇ ಅಲೆಯಿಂದಾಗಿ ಕಂಗಾಲಾಗಿರುವ ಸುಡುಗಾಡು ಸಿದ್ಧರು, ಬುಡ್ಗ ಜಂಗಮರು, ಚನ್ನದಾಸ, ಹಂಡಿ, ಜೋಗಿ ಇತರೆ ನಿರಾಶ್ರಿತ ಜನರು ತೀವ್ರ ಸಂಕಷ್ಟದಲ್ಲಿದ್ದಾರೆ. ತಾಲೂಕಿನ ಆನೇಕಲ್ಲು, ಹಂಪಾಪಟ್ಟಣ, ಎಚ್.ಓಬಳಾಪುರ, ಹೊಸ್ಕೇರಿ, ನಂದಿಪುರ ಸೇರಿ ಪಟ್ಟಣ ವ್ಯಾಪ್ತಿಯ ರಾಮ್ರಹೀಂ ನಗರ, ಸೋಮೇಶ್ವರ ನಗರದಲ್ಲಿ ಒಟ್ಟು 350 ಕುಟುಂಬಗಳು ವಾಸವಾಗಿವೆ. ಬದುಕಲು ನಿಶ್ಚಿತ ಭೂಮಿ ಇಲ್ಲದೆ, ಆದಾಯವಿಲ್ಲದೆ ಕೆಲವರು ಒಂದೊತ್ತಿನ ಊಟಕ್ಕೂ ಪರದಾಡುತ್ತಿದ್ದಾರೆ. ಕಲಾ ಪ್ರದರ್ಶನ, ಭಿಕ್ಷಾಟನೆ, ಕಾಯಕಯೋಗಿಗಳು, ಸಣ್ಣಪುಟ್ಟ ಬೀದಿ ವ್ಯಾಪಾರ ಮಾಡಿಕೊಂಡು ಜೀವನ ನಡೆಸುತ್ತಿದ್ದವರಿಗೆ ಆರ್ಥಿಕ ಸಮಸ್ಯೆ ಎದುರಾಗಿದೆ. ಆದ್ದರಿಂದ ಸರ್ಕಾರ ವಿಶೇಷ ಪ್ಯಾಕೇಜ್ ಘೋಷಣೆ ಮಾಡಬೇಕೆಂದು ಒತ್ತಾಯಿಸಿದರು.
