ಮರಿಯಮ್ಮನಹಳ್ಳಿ: ಸಮೀಪದ ಗಾಳೆಮ್ಮನಗುಡಿ ಗ್ರಾಮದ ಮಹಿಳೆಗೆ ಕರೊನಾ ದೃಢಪಟ್ಟ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಟಾಸ್ಕ್ಪೋರ್ಸ್ ಜಿಲ್ಲಾಧ್ಯಕ್ಷ ಸಿರಾಜ್ ಶೇಕ್ ಬುಧವಾರ ಭೇಟಿ ನೀಡಿ ಸಾರ್ವಜನಿಕರಿಗೆ ಧೈರ್ಯ ತುಂಬಿದರು. ಕರೊನಾ ಪಾಸಿಟಿವ್ ಮಹಿಳೆಯ ಮನೆ ಸುತ್ತಲು ನೂರು ಮೀಟರ್ ಅಂತರ ಸೀಲ್ಡೌನ್ ಮಾಡಲಾಗಿದ್ದು, ಇಲ್ಲಿನ 14 ಕುಟುಂಬಗಳಿಗೆ ಸ್ಮಯೋರ್ ಕಂಪನಿಯಿಂದ ಆಹಾರ ಸಾಮಗ್ರಿಗಳನ್ನು ಕೊಡಲಾಗುವುದು. ಅಲ್ಲದೇ, ಗ್ರಾಮದಲ್ಲಿ ಸ್ವಚ್ಛತೆ ಮತ್ತು ಪರಸ್ಪರ ಅಂತರ ಕಾಯ್ದುಕೊಳ್ಳುವ ಮೂಲಕ ಕರೊನಾ ವಿರುದ್ದ ಸಾರ್ವಜನಿಕರು ಹೋರಾಟ ನಡೆಸಬೇಕು ಎಂದರು. ಹಫೀಜ್ಶೇಕ್, ಸುರೇಶ್ ರಾಥೋಡ್, ಸಿ.ಡಿ.ಯಲ್ಲಪ್ಪ, ದೇವಲಾನಾಯ್ಕ, ಮಜ್ಗಿ ನಾಗರಾಜ್, ಸಿ.ಗಾಳೇಶ್, ಹಳ್ಳಿ ನಿಂಗಪ್ಪ ಹಾಗೂ ಸ್ಮಯೋರ್ ಕಂಪನಿಯ ಅಧಿಕಾರಿಗಳು ಇದ್ದರು.
