ಸ್ವಗ್ರಾಮಕ್ಕೆ 407 ವಲಸೆ ಕಾರ್ಮಿಕರು: ಎರಡನೇ ದಿನವೂ ಜಿಲ್ಲೆಯಿಂದ ವಲಸೆ ಕಾರ್ಮಿಕರು ತಮ್ಮೂರಿನತ್ತ ತೆರಳಿದರು. 2ನೇ ದಿನ ಜಿಲ್ಲೆಯ ವಿವಿಧ ಭಾಗದಲ್ಲಿ ನೆಲೆನಿಂತಿದ್ದ ರಾಜ್ಯದ ವಿವಿಧ ಜಿಲ್ಲೆಗಳ 407 ವಲಸೆ ಕಾರ್ಮಿಕರನ್ನು 14 ಬಸ್ಗಳಲ್ಲಿ ಸ್ವಗ್ರಾಮಗಳಿಗೆ ಕಳುಹಿಸುವ ಕಾರ್ಯಾಚರಣೆ ಮಂಗಳವಾರವೂ ಮುಂದುವರಿಯಿತು. ಯಾದಗಿರಿ-ಕಲ್ಬುರ್ಗಿ, ರಾಯಚೂರು, ಶಿವಮೊಗ್ಗ, ಹಾವೇರಿ-ಬೆಳಗಾವಿ, ಹುಬ್ಬಳ್ಳಿ-ಗದಗ, ಬೆಂಗಳೂರು, ಶಿವಮೊಗ್ಗ-ಉಡುಪಿ, ಬೆಳಗಾವಿ, ಯಾದಗಿರಿ-ರಾಯಚೂರು-ಬೀದರ್, ಕುಷ್ಟಗಿ-ಬಾಗಲಕೋಟೆ, ಬಿಜಾಪುರ-ಬಾಗಲಕೋಟೆ, ಬಳ್ಳಾರಿ-ರಾಯಚೂರು ಜಿಲ್ಲೆಗಳಿಗೆ ಒಟ್ಟು 14 ಬಸ್ಗಳಲ್ಲಿ 407 ಕಾರ್ಮಿಕರನ್ನು ತುಮಕೂರು ನಗರದಿಂದ ಕಳುಹಿಸಿಕೊಡಲಾಯಿತು. ಬೇರೆ ಜಿಲ್ಲೆಗಳಿಂದ 326 ವಲಸೆ ಕಾರ್ಮಿಕರು ಜಿಲ್ಲೆಗೆ ಬಂದಿದ್ದು ಅವರ ಸಂಪೂರ್ಣ ಮಾಹಿತಿಯನ್ನು ಆಯಾ ತಹಸೀಲ್ದಾರ್ ಪಡೆದುಕೊಂಡು ಹೋಂ ಕ್ವಾರಂಟೈನ್ನಲ್ಲಿರಿಸಲಿದ್ದಾರೆ.
