1957ರಲ್ಲಿ ಸ್ವಾತಂತ್ರ್ಯ ಹೋರಾಟಗಾರ ವೆಂಕಟೇಶ ಮಾಗಡಿ ಸ್ಥಾಪಿಸಿದ ಖಾದಿ ಗ್ರಾಮೋದ್ಯೋಗ ಸಂಘ ತಯಾರಿಸಿದ ತ್ರಿವರ್ಣ ಧ್ವಜಗಳು ಇಂದು ದೇಶ- ವಿದೇಶಗಳಲ್ಲಿ ರಾರಾಜಿಸುತ್ತಿವೆ. ರಾಷ್ಟ್ರಧ್ವಜ ನಿರ್ವಣಕ್ಕಾಗಿ ಭಾರತೀಯ ಮಾನಕ ಬ್ಯೂರೋ (ಬಿಐಎಸ್) ಮಾರ್ಕ್ ಪಡೆದಿರುವ ದೇಶದ ಏಕೈಕ ಸಂಘ ಖಾದಿ ಗ್ರಾಮೋದ್ಯೋಗ ಸಂಘ. ದೆಹಲಿಯ ಸಂಸತ್ ಭವನ, ಕೆಂಪು ಕೋಟೆ, ರಕ್ಷಣಾ ಇಲಾಖೆ, ಬೆಂಗಳೂರಿನ ವಿಧಾನಸೌಧ, ರಾಜಭವನ, ಸರ್ಕಾರಿ ಕಚೇರಿ ಸೇರಿ ಬಹುತೇಕ ರಾಜ್ಯಗಳಲ್ಲೂ ಆ. 15, ಜ.26ರಂದು ಇಲ್ಲಿನ ಧ್ವಜಗಳೇ ಹಾರಾಡುತ್ತವೆ. ಈ ಸಂಘದ ಅಡಿಯಲ್ಲಿ ಸುಮಾರು 1100 ಕಾರ್ವಿುಕರು, ನೇಕಾರರು ಕೆಲಸ ಮಾಡುತ್ತಾರೆ. ರಾಷ್ಟ್ರಧ್ವಜಕ್ಕೆ ಬೇಕಾಗುವ ಕಚ್ಚಾ ವಸ್ತುಗಳಾದ ನೂಲು ಹಾಗೂ ಬಟ್ಟೆಯು ಬಾಗಲಕೋಟೆ ಜಿಲ್ಲೆಯಲ್ಲಿ ತಯಾರಾಗುತ್ತದೆ. ಅಲ್ಲಿ ತಯಾರಾದ ಕೇಸರಿ, ಬಿಳಿ, ಹಸಿರು ಬಣ್ಣದ ಬಟ್ಟೆಗಳನ್ನು ಹುಬ್ಬಳ್ಳಿಗೆ ಬೆಂಗೇರಿಗೆ ತಂದು ಬಿಐಎಸ್ ಮಾರ್ಗಸೂಚಿ ಅನ್ವಯ 9 ಅಳತೆಗಳ ಧ್ವಜ ತಯಾರಿಸಿ ಅಶೋಕ ಚಕ್ರ ಮುದ್ರಿಸಲಾಗುತ್ತದೆ.
