ಬಿಬಿಎಂಪಿ ವ್ಯಾಪ್ತಿ ಬಹು ವಿಸ್ತಾರ ಇರುವುದರಿಂದ ಹತ್ತುಹಲವು ಯೋಜನೆಗಳ ಕಾಮಗಾರಿಗಳು ನಿರಂತರವಾಗಿ ನಡೆಯುತ್ತಿವೆ. ಇದರ ನಿರ್ವಹಣೆ ಆಯಾ ವಿಭಾಗದ ಮುಖ್ಯಸ್ಥ ವಹಿಸಿದ್ದರೂ, ಮೇಲ್ವಿಚಾರಣೆಯನ್ನು ಮುಖ್ಯ ಆಯುಕ್ತರೇ ಮಾಡಬೇಕಿದೆ. ಜತೆಗೆ ಇವರೇ ಉತ್ತರದಾಯಿತ್ವ ಆಗಿರುವುದರಿಂದ ಆಗಾಗ್ಗೆ ಕಾಮಗಾರಿಗಳ ಸ್ಥಳ ಪರಿಶೀಲನೆ, ಸಾರ್ವಜನಿಕರ ಅಹವಾಲು ಆಲಿಕೆ, ಅಧಿಕಾರಿಗಳೊಂದಿಗೆ ವಿವಿಧ ಸಭೆಗಳನ್ನು ನಡೆಸಬೇಕಿದೆ. ವಿಧಾನಸೌಧದಲ್ಲಿ ಸಿಎಂ, ಡಿಸಿಎಂ ನೇತೃತ್ವದ ಸಭೆಗಳಿಗೆ ತಪ್ಪದೆ ಹಾಜಾರಾಗಬೇಕಾಗುತ್ತದೆ. ಇದಕ್ಕೆ ದಿನದ ಹೆಚ್ಚಿನ ಸಮಯ ವ್ಯಯವಾಗುತ್ತದೆ. ಈ ಅಮೂಲ್ಯ ಸಮಯ ಬಿಎಂಆರ್ಸಿಎಲ್ ಎಂಡಿ ಹುದ್ದೆ ವಹಿಸಿರುವ ಮಹೇಶ್ವರ್ ರಾವ್ ಅವರಿಗೆ ಪಾಲಿಕೆ ಕೆಲಸಗಳಲ್ಲಿ ಸಂಪೂರ್ಣವಾಗಿ ತೊಡಗಿಸಿಕೊಳ್ಳಲು ಸಮಯ ಹೊಂದಾಣಿಕೆ ಹೇಗೆ ಮಾಡಿಕೊಳ್ಳುತ್ತಾರೆ ಎಂಬ ಪ್ರಶ್ನೆಯೂ ಎದ್ದಿದೆ.
