ಮಂಡ್ಯ ಸಾಂಸ್ಕೃತಿಕವಾಗಿ ಶ್ರೀಮಂತ ಜಿಲ್ಲೆ. ಮೂಡಲಪಾಯ ಯಕ್ಷಗಾನ ಈ ಮಣ್ಣಿನ ಕಲೆ. ಹೀಗಾಗಿ ಯಕ್ಷಗಾನವು ಮಂಡ್ಯದ ಕೊಡುಗೆ ಎಂಬುದನ್ನು ಸಮ್ಮೇಳನದಲ್ಲಿ ಸಾಬೀತು ಮಾಡಿ ತೋರಬೇಕಿದೆ. ಕುವೆಂಪು ಅವರಿಗೆ ನೇಗಿಲ ಯೋಗಿ ಮತ್ತು ವಿಚಾರಕ್ರಾಂತಿ ಪರಿಕಲ್ಪನೆಗಳು ಮೂಡಿದ್ದು ಮಂಡ್ಯ ಜಿಲ್ಲೆಯಿಂದ. ಇಲ್ಲಿನ ಕೃಷಿ ಸಂಪತ್ತು ಮತ್ತು ಸಾಹಿತ್ಯ ಸಂಪತ್ತು ಶ್ರೇಷ್ಠವಾಗಿದೆ. ಬಿಎಂಶ್ರೀ, ತ್ರಿವೇಣಿ, ಪುತಿನ, ಕೆಎಸ್ನ, ತ್ರಿವೇಣಿ ಮಂಡ್ಯದವರು. ಮಂಡ್ಯ ಎಂದರೆ ಕಾವೇರಿ ಚಳವಳಿ, ಕಬ್ಬು, ಒರಟು ಜನ, ಜಗಳಗಂಟರು ಎಂದು ತಪ್ಪಾಗಿ ಬಿಂಬಿತವಾಗಿದೆ. ಈ ಹಿನ್ನೆಲೆಯಲ್ಲಿ ಜಿಲ್ಲೆಯ ಸಾಂಸ್ಕೃತಿಕ ಸಂಪತ್ತಿನ ಬಗ್ಗೆ ಗೋಷ್ಠಿಗಳಲ್ಲಿ ಚರ್ಚೆಯಾಗಬೇಕು ಎಂದು ಸಲಹೆ ನೀಡಿದರು.
