ಕೆ.ಎನ್.ಸಂತೋಷ್ ಅವರು ಪಿಇಎಸ್ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಕಂಪ್ಯೂಟರ್ ಸೈನ್ಸ್ ವಿಭಾಗದಿಂದ 1988ರಲ್ಲಿ ಪದವಿ ಪಡೆದಿದ್ದಾರೆ. ಬಳಿಕ ಏರ್ವೈಸ್ನಲ್ಲಿ ವಿವಿಧ ಡೊಮೇನ್ಗಳಲ್ಲಿ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. ಐಎಎಫ್ನಲ್ಲಿ ವ್ಯಾಪಕ ಶ್ರೇಣಿಯ ಹುದ್ದೆಗಳನ್ನು ಅಲಂಕರಿಸಿದ್ದಾರೆ. ಏವಿಯಾನಿಕ್ಸ್ ಸಾಪ್ಟ್ವೇರ್ ತಜ್ಞರಾಗಿ ರಷ್ಯಾದಲ್ಲಿ ಪ್ರಾಜೆಕ್ಟ್ ತಂಡದ ಭಾಗವಾಗಿದ್ದರು. ಅಂತೆಯೇ ಪಶ್ಚಿಮ ವಲಯದ ಕಣ್ಗಾವಲು ಘಟಕ ಮತ್ತು ಎಐಆರ್ ಎಚ್ಕ್ಯೂನಲ್ಲಿ ನಿರ್ದೇಶಕ ಯೋಜನೆಗಳ ಮೊದಲ ಪದಾಧಿಕಾರಿಯಾಗಿದ್ದರು. ಮಾತ್ರವಲ್ಲದೆ ಎಎಫ್ಎಸ್ ಜೋಧ್ಪುರದಲ್ಲಿ ಮುಖ್ಯ ಇಂಜಿನಿಯರ್, ಎಸ್ಡಿಎ ಮತ್ತು ಎಎಫ್ನಲ್ಲಿ ಮುಖ್ಯ ಸಾಫ್ಟ್ವೇರ್ ಇಂಜಿನಿಯರ್ ಆಗಿ ಸೇವೆ ಸಲ್ಲಿಸಿದ್ದಾರೆ. ಇವರ ಕೊಡುಗೆ ಪರಿಗಣಿಸಿ 2005ರಲ್ಲಿ ರಾಷ್ಟ್ರಪತಿಯವರು ವಿಶೇಷ ಸೇವಾ ಪದಕ ನೀಡಿದ್ದಾರೆ. ಜತೆಗೆ ಏರೋನಾಟಿಕಲ್ ಸೊಸೈಟಿ ಆಫ್ ಇಂಡಿಯಾದಿಂದ 2017ರಲ್ಲಿ ಡಾ.ವಿ.ಎಂ.ಘಾಟ್ಗೆ ಪ್ರಶಸ್ತಿ ಲಭಿಸಿದೆ.
