ಮಣಿಪಾಲದ ಎಂಐಟಿಯಲ್ಲಿ ಮೆಕ್ಯಾನಿಕಲ್ ವಿಭಾಗದ ಪೊಫೆಸರ್, ದೇವಸ್ಥಾನದ ಆಡಳಿತ ಮೊಕ್ತೇಸರ ಹಾಗೂ ಗಡಿಕಾರ ಡಾ.ರವಿರಾಜ ಶೆಟ್ಟಿ ಕಾರಮೊಗರುಗುತ್ತು ಈ ಸೆಂಟರ್ ನಿರ್ಮಾಣದ ರೂವಾರಿಯಾಗಿದ್ದಾರೆ. 4000 ಚದರ ಅಡಿ ವಿಸ್ತೀರ್ಣ ಜಾಗದಲ್ಲಿ ನಿರ್ಮಾಣ ಹಂತದಲ್ಲಿರುವ ಸೆಂಟರ್ ತೆರೆದ ಸಭಾಂಗಣವಾಗಿ ಗಮನಸೆಳೆಯುತ್ತಿದೆ. ಸುಮಾರು 500 ಮಂದಿ ಕುಳಿತುಕೊಳ್ಳಲು ಅವಕಾಶವಿರುವ ಸಭಾಂಗಣದ ವಿಶಾಲ ವೇದಿಕೆಯ ಇಕ್ಕೆಲದಲ್ಲಿ 2 ಡ್ರೆಸಿಂಗ್ ರೂಮ್ಗಳಿವೆ. ಬಾತ್ರೂಮ್, ಅಡುಗೆ ಕೋಣೆ, ಕಚೇರಿ, ಸ್ವಾಗತ ಕೊಠಡಿ ಒಳಗೊಂಡಿರುವ ಸಭಾಂಗಣದ ಪಕ್ಕದಲ್ಲಿರುವ ವಿಶಾಲ ಖಾಲಿ ಜಾಗದ ಸದ್ಬಳಕೆಗೆ ಅವಕಾಶವಿದೆ. ಅಂದರೆ, ಸಭಾಂಗಣ ಮತ್ತು ಹೊರ ಭಾಗದಲ್ಲಿ ಏಕಕಾಲಕ್ಕೆ 800-1,000 ಮಂದಿ ಜಮಾಯಿಸಲು ಸಾಧ್ಯವಿದೆ.
