ಸ್ವಾರ್ಥಕ್ಕಾಗಿ ಸಂವಿಧಾನ ಅಮಾನತಿನಲ್ಲಿಟ್ಟಿದ್ದ ಕಾಂಗ್ರೆಸ್​

ಉಡುಪಿ: ಭಾರತೀಯರಿಗೆ ಸಂವಿಧಾನವೇ ಧರ್ಮಗ್ರಂಥ. ಆದರೆ ದೇಶದ ಒಳಗೆ ಅಥವಾ ಹೊರಗೆ ಯಾವುದೇ ಸಮಸ್ಯೆಗಳು ಉದ್ಭವಿಸದಿದ್ದರೂ ಸ್ವಾರ್ಥಕ್ಕಾಗಿ ಸಂವಿಧಾನವನ್ನು 21 ತಿಂಗಳು ಅಮಾನತಿನಲ್ಲಿಟ್ಟಿದ್ದ ಕಾಂಗ್ರೆಸ್​ ಸಂವಿಧಾನ ಪರ ಎಂಬುದು ಹಾಸ್ಯಾಸ್ಪದ ಸಂಗತಿ ಎಂದು ಮಾಜಿ ಸಚಿವ ಎನ್​. ಮಹೇಶ್​ ಹೇಳಿದರು.

ಸಿಟಿಜನ್ಸ್​ ಾರ್​ ಸೋಶಿಯಲ್​ ಜಸ್ಟೀಸ್​ ಸಂಟನೆ ವತಿಯಿಂದ ನಡೆದ ಸಂವಿಧಾನ ದಿನಾಚರಣೆ ಮತ್ತು ನ.26ರಿಂದ ಜ.26ರ ವರೆಗೆ ಹಮ್ಮಿಕೊಂಡಿರುವ ಸಂವಿಧಾನ ಸನ್ಮಾನ ಅಭಿಯಾನಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಪ್ರಧಾನಿ ನರೇಂದ್ರ ಮೋದಿಯವರು 2015ರಲ್ಲಿ ಮೊದಲ ಬಾರಿಗೆ ನ.26ರಂದು ಸಂವಿಧಾನ ದಿನಾಚರಣೆ ಪ್ರಾರಂಭಿಸಿದ್ದರು. ಕಾಂಗ್ರೆಸ್​ ಸರ್ಕಾರದ ಅವಧಿಯಲ್ಲಿ ಈ ದಿನವನ್ನು ರಾಷ್ಟ್ರೀಯ ಕಾನೂನು ದಿನವಾಗಿ ಆಚರಿಸಲಾಗುತ್ತಿತ್ತು. ಮೋದಿ ಸರ್ಕಾರ ಅಂಬೇಡ್ಕರ್​ ಅವರಿಗೆ ಸಂಬಂಧಪಟ್ಟ ಸ್ಥಳಗಳ ಅಭಿವೃದ್ಧಿಗೆ 300 ಕೋಟಿ ರೂ. ಅನುದಾನ ನೀಡಿದೆ ಎಂದು ಹೇಳಿದರು.

ಹಿಂದೂ ಸಮಾಜದಲ್ಲಿ ಪುರುಷರಷ್ಟೇ ಮಹಿಳೆಯರೂ ಸಮಾನ ಹಕ್ಕುಗಳು ಸಿಗಬೇಕು ಎಂಬ ಉದ್ದೇಶದಿಂದ ಅಂಬೇಡ್ಕರ್​ ಮಂಡಿಸಿದ್ದ ಹಿಂದೂ ಕೋಡ್​ ಬಿಲ್​ ಸಂಸತ್ತಿನಲ್ಲಿ ಪಾಸ್​ ಆಗಲು ನೆಹರೂ ಅವರು ಬಿಡಲಿಲ್ಲ. ಇದು ಸಂವಿಧಾನಕ್ಕೆ ಮಾಡಿದ ಮೊದಲ ಅಪಚಾರವಾಗಿದ್ದು, ದೇಶದ ಶೇ.50ರಷ್ಟು ಜನಸಂಖ್ಯೆಗೆ ನ್ಯಾಯ ಒದಗಿಸದ ಕಾಂಗ್ರೆಸ್​ ಸಂವಿಧಾನ ಪರವಾಗಿದೆಯೇ ಎಂದು ಪ್ರಶ್ನಿಸಿದರು.

6 ಪಂಚವಾರ್ಷಿಕ ಯೋಜನೆಗಳಲ್ಲಿ ದಲಿತರಿಗೆ ನಯಾ ಪೈಸೆಯನ್ನೂ ಕಾಂಗ್ರೆಸ್​ ನೀಡಿರಲಿಲ್ಲ. 1984ರಲ್ಲಿ ಕೆ.ಆರ್​. ನಾರಾಯಣನ್​ ಸಚಿವರಾಗಿದ್ದಾಗ ಮೊದಲ ಬಾರಿಗೆ ದಲಿತರಿಗೆ ಅನುದಾನ ಒದಗಿಸಿದ್ದರು. ಸಂವಿಧಾನಕ್ಕೆ ಒಟ್ಟು 106 ಬಾರಿ ತಿದ್ದುಪಡಿಗಳನ್ನು ಮಾಡಲಾಗಿದ್ದು, ಇದರಲ್ಲಿ 14 ಅಟಲ್​ ಬಿಹಾರಿ ವಾಜಪೇಯಿ ಮತ್ತು ಮೋದಿ 8 ತಿದ್ದುಪಡಿ ಮಾಡಿದ್ದರು. ಉಳಿದ 75 ತಿದ್ದುಪಡಿಗಳು ಕಾಂಗ್ರೆಸ್​ ಕಾಲಟ್ಟದಲ್ಲಿ ನಡೆದಿವೆ ಎಂದು ಮಾಹಿತಿ ನೀಡಿದರು.

ದಲಿತ ಮುಖಂಡ ಗೋಕುಲ್​ ದಾಸ್​ ಬಾರ್ಕೂರು ಅಧ್ಯಕ್ಷತೆ ವಹಿಸಿದ್ದರು. ಸಾಮಾಜಿಕ ಚಿಂತಕ ಚರಣ್​ ಗುಂಜೂರು ಬೆಂಗಳೂರು ಸಂವಿಧಾನದ ಆಶಯಗಳ ಕುರಿತು ಮಾತನಾಡಿದರು. ಬಿಜೆಪಿ ವಿಭಾಗ ಪ್ರಭಾರಿ ಉದಯಕುಮಾರ್​ ಶೆಟ್ಟಿ, ಮಾಜಿ ಜಿಪಂ ಅಧ್ಯಕ್ಷ ದಿನಕರ ಬಾಬು, ಬರಹಗಾರ ವಿಕಾಸ್​ ಪುತ್ತೂರು, ಅಭಿಯಾನದ ಜಿಲ್ಲಾ ಸಂಚಾಲಕಿ ರೇಷ್ಮಾ ಉದಯ ಶೆಟ್ಟಿ, ಜಿಲ್ಲಾ ಸಹ ಸಂಚಾಲಕ ಎ.ಉಮೇಶ್​ ನಾಯ್ಕ್​ ಚೇರ್ಕಾಡಿ ಉಪಸ್ಥಿತರಿದ್ದರು. ಶ್ರೀಕಾಂತ್​ ನಾಯಕ್​ ಸ್ವಾಗತಿಸಿ, ರತ್ನಾಕರ ಇಂದ್ರಾಳಿ ಕಾರ್ಯಕ್ರಮ ನಿರೂಪಿಸಿದರು.