ಅಲ್ಪಸಂಖ್ಯಾತರ ಅಭಿವೃದ್ಧಿಗೆ ಕಾಂಗ್ರೆಸ್​ ಸರ್ಕಾರ ಆದ್ಯತೆ

ನೆಲಮಂಗಲ: ಅಲ್ಪಸಂಖ್ಯಾತರ ಅಭಿವೃದ್ಧಿಗೆ ಕಾಂಗ್ರೆಸ್​ ಆದ್ಯತೆ ನೀಡುತ್ತಿದ್ದು, ಪ್ರತಿಯೊಬ್ಬರು ಸದುಪಯೋಗ ಪಡಿಸಿಕೊಂಡು ಸಬಲರಾಗಬೇಕು ಎಂದು ಶಾಸಕ ಎನ್​.ಶ್ರೀನಿವಾಸ್​ ತಿಳಿಸಿದರು.

ಇಸ್ಮಾಂಪುರದಲ್ಲಿ ಕಣೇಗೌಡನಹಳ್ಳಿ ಗ್ರಾಪಂನಿಂದ ಆಯೋಜಿಸಿದ್ದ ಶಾಸಕರ ನಡೆ ಹಳ್ಳಿಯ ಕಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, 2024&25 ನೇ ಸಾಲಿನಲ್ಲಿ ಅಲ್ಪಸಂಖ್ಯಾತರ ಇಲಾಖೆಯಿಂದ ಅಲ್ಪಸಂಖ್ಯಾತರ ಅಭಿವೃದ್ಧಿಗೆ 15 ಕೋಟಿ ವಿಶೇಷ ಅನುದಾನ ಮಂಜೂರಾಗಿದೆ, ತಾಲೂಕಿನಲ್ಲಿ ಅತಿಹೆಚ್ಚು ಮುಸಲ್ಮಾನರಿದ್ದು, ಇಸ್ಮಾಂಪುರ ಗ್ರಾಮಕ್ಕೆ 5 ಕೋಟಿ ರೂಪಾಯಿ ಮೀಸಲಿಡಲಾಗಿದೆ. ಮುಂದಿನ 3 ವರ್ಷದ ಒಳಗಾಗಿ ಇಸ್ಮಾಂಪುರದ ಪ್ರಮುಖ ರಸ್ತೆ, ಚರಂಡಿಗಳನ್ನು ಅಭಿವೃದ್ಧಿಪಡಿಸಲಾಗುವುದು ಎಂದರು.

ತಾಲೂಕಿನಲ್ಲಿ ಬೃಹತ್​ ಗಾತ್ರದ ಶಾದಿ ಮಹಲ್​ ನಿರ್ಮಾಣಕ್ಕೆ ಅಲ್ಪಸಂಖ್ಯಾತರ ಇಲಾಖೆಯಿಂದ 1 ಕೋಟಿ ರೂ. ಅನುದಾನ ಬಿಡುಗಡೆಯಾಗಿದ್ದು, ಹೆಚ್ಚುವರಿ 2 ಕೋಟಿ ರೂ. ಅನುದಾನ ನೀಡುವಂತೆ ಸರ್ಕಾರಕ್ಕೆ ಪ್ರಸ್ತಾಪನೆ ಸಲ್ಲಿಸಲಾಗಿದೆ. ಇಸ್ಮಾಂಪುರ ಅಭಿವೃದ್ಧಿ ಕಾಮಗಾರಿ ಹಾಗೂ ಶಾದಿ ಮಹಲ್​ಗೆ ಸಚಿವ ಜಮೀರ್​ ಅಹಮ್ಮದ್​ ಮೂಲಕ ಆದಷ್ಟು ಬೇಗ ಭೂಮಿ ಪೂಜೆ ಮಾಡಿಸುವುದಾಗಿ ಶಾಸಕ ಎನ್​.ಶ್ರೀನಿವಾಸ್​ ಹೇಳಿದರು.

ಸಾರ್ವಜನಿಕರ ಮನವಿ : ವಾಲ್ಮೀಕಿ ನಗರದ ವಿದ್ಯುತ್​ ಸಮಸ್ಯೆ, ಬೀದಿ ದೀಪ, ಮದರಸಾ ಬಳಿ ಕಾಂಪೌಂಡ್​ ವ್ಯವಸ್ಥೆ, ಕುಡಿಯುವ ನೀರಿನ ಸಮಸ್ಯೆ, ಶುದ್ಧ ಕುಡಿಯುವ ನೀರಿನ ಟಕ ನಿರ್ಮಾಣ, ಓವರ್​ ಟ್ಯಾಂಕ್​ ನಿರ್ಮಾಣ, ಕ್ರೀಡಾ ಮೈದಾನಕ್ಕೆ ಜಾಗ ಮಂಜೂರು ಮಾಡಬೇಕು, ಈದ್ಗಾ ಮೈದಾನ ಜಾಗ ಒತ್ತುವರಿಯಾಗಿದ್ದು, ಅದನ್ನು ತೆರವುಗೊಳಿಸಬೇಕು ಎಂದು ಸ್ಥಳಿಯರು ಶಾಸಕರಲ್ಲಿ ಮನವಿ ಮಾಡಿದರು. ಒಂದು ಲಕ್ಷ ಲೀಟರ್​ ಸಾಮಾರ್ಥ್ಯದ ಬೃಹತ್​ ಓವರ್​ ಟ್ಯಾಂಕ್​ ನಿರ್ಮಾಣ, 2 ಶುದ್ಧ ಕುಡಿಯುವ ನೀರಿನ ಟಕ ಸೇರಿ ಸಾರ್ವಜನಿಕರು ಹೇಳಿದ ಸಮಸ್ಯೆಗಳನ್ನು ಹಂತ ಹಂತವಾಗಿ ಬಗ್ಗೆ ಹರಿಸಲಾಗುವುದು. ಜತೆಗೆ ಈದ್ಗಾ ಮೈದಾನ ಕುರಿತು ಕಾನೂನು ರೀತಿ ಕ್ರಮ ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ನಿರ್ದೇಶನ ನೀಡುವುದಾಗಿ ಶಾಸಕರು ಭರವಸೆಯಿತ್ತರು.

ಚಾಲನೆ : ಕೆ.ಜಿ.ಶ್ರೀನಿವಾಸಪುರದಲ್ಲಿ ರಸ್ತೆ ಕಾಮಗಾರಿಗೆ ಶಾಸಕ ಎನ್​.ಶ್ರೀನಿವಾಸ್​ ಭೂಮಿ ಪೂಜೆ ನೆರವೇರಿಸಿದರು. ಬ್ಲಾಕ್​ ಅಧ್ಯಕ್ಷ ಟಿ.ನಾಗರಾಜು, ಒಕ್ಕಲಿಗ ೇಮಾಭಿವೃದ್ಧಿ ಟ್ರಸ್ಟ್​ ಅಧ್ಯಕ್ಷ ಎಂ.ಕೆ.ನಾಗರಾಜು, ಗ್ರಾಪಂ ಸದಸ್ಯ ಸಲೀಂಪಾಷಾ, ಮಾಜಿ ಸದಸ್ಯ ಇಕ್ಬಾಲ್​ ಅಹಮ್ಮದ್​, ಮುಖಂಡ ಸುರೇಶ್​, ಆನಂದ್​, ಗೋವಿಂದರಾಜು, ಸನ್ನಾಉಲ್ಲಾ, ರೆಹಮಾನ್​ ಇದ್ದರು.