ಕಾಂಗ್ರೆಸ್‌ನಿಂದ ಜನತೆಗೆ ಮುಜುಗರ

ವಿಜಯವಾಣಿ ಸುದ್ದಿಜಾಲ ಪಡುಬಿದ್ರಿ

ರಾಜ್ಯ ಸರ್ಕಾರದಿಂದ ನೂರಾರು ಗೊಂದಲ, ತೊಂದರೆಗಳನ್ನು ಜನರು ಎದುರಿಸುತ್ತಿದ್ದು, ಅಭಿವೃದ್ಧಿ ಕಾರ್ಯಗಳಂತೂ ಶೂನ್ಯವಾಗಿದೆ. ಇದರ ನಡುವೆ ವಕ್ಫ್ ಸಚಿವರು ಹುಚ್ಚಾಟಕ್ಕೆ ಕೈಹಾಕಿ ರಾಜ್ಯದ ಜನತೆಯನ್ನು ಮುಜುಗರಗೊಳ್ಳುವಂತೆ ಮಾಡಿದ್ದು, ನಾವು ಉಗ್ರವಾಗಿ ಖಂಡಿಸುತ್ತೇವೆ ಎಂದು ಶಾಸಕ ಗುರ್ಮೆ ಸುರೇಶ್ ಶೆಟ್ಟಿ ಹೇಳಿದರು.

ವಕ್ಫ್ ಬೋರ್ಡ್ ಅವಾಂತರ ಖಂಡಿಸಿ ರಾಜ್ಯ ಸರ್ಕಾರ ವಿರುದ್ಧ ಬಿಜೆಪಿ ಕಾಪು ಮಂಡಲ ವತಿಯಿಂದ ಕಾಪು ಪೇಟೆಯಲ್ಲಿ ಬುಧವಾರ ನಡೆದ ಪ್ರತಿಭಟನೆಯಲ್ಲಿ ಮಾತನಾಡಿದರು.

ಮಾಜಿ ಶಾಸಕ ಲಾಲಾಜಿ ಆರ್. ಮೆಂಡನ್ ಮಾತನಾಡಿ, ಜನರ ಸಾಮರಸ್ಯ ಬದುಕಿಗೆ ರಾಜ್ಯ ಸರ್ಕಾರ ಹಗರಣಗಳ ಮೂಲಕ ಕೊಳ್ಳಿ ಇಡುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಬಿಜೆಪಿ ಕಾರ್ಯಕರ್ತರು ಕಾಪು ತಾಲೂಕು ಕಚೇರಿ ತನಕ ಪಾದಯಾತ್ರೆ ನಡೆಸಿದ್ದು, ಬಳಿಕ ಉಪತಹಸೀಲ್ದಾರ್ ಮೂಲಕ ಜಿಲ್ಲಾಧಿಕಾರಿಗೆ ಮನವಿ ಪತ್ರ ಸಲ್ಲಿಸಿದರು. ಬೈಕಾಡಿ ಸುಪ್ರಸಾದ್ ಶೆಟ್ಟಿ, ಕಾಪು ಮಂಡಲ ಅಧ್ಯಕ್ಷ ಜಿತೇಂದ್ರ ಶೆಟ್ಟಿ, ಪುರಸಭೆ ಅಧ್ಯಕ್ಷೆ ಹರಿಣಾಕ್ಷಿ ದೇವಾಡಿಗ, ಉಪಾಧ್ಯಕ್ಷೆ ಸರಿತಾ, ಪ್ರಮುಖರಾದ ಶ್ಯಾಮಲಾ ಕುಂದರ್, ಪ್ರಕಾಶ್ ಶೆಟ್ಟಿ, ಶ್ರೀಕಾಂತ್ ನಾಯಕ್, ಶಿಲ್ಪಾ ಜಿ ಸುವರ್ಣ, ಗೀತಾಂಜಲಿ ಸುವರ್ಣ, ಮಿಥುನ್ ಹೆಗ್ಡೆ, ಶರಣ್ ಕುಮಾರ್, ರೇಷ್ಮಾ ಉದಯ್ ಶೆಟ್ಟಿ, ನೀತಾ ಗುರುರಾಜ್, ಸುಮಾ ಶೆಟ್ಟಿ, ಸುಧಾಮ ಶೆಟ್ಟಿ, ಗೋಪಾಲಕೃಷ್ಣ ರಾವ್, ರವೀಂದ್ರ ಶೆಟ್ಟಿ, ಕೃಷ್ಣಾ ರಾವ್, ವಿಜಯಕುಮಾರ್, ನಾಗೇಂದ್ರ ಎಂ. ಜಿ, ಹರೀಶ್, ಕೇಸರಿ, ನವೀನ್ ಎಸ್. ಕೆ, ಸಂದೀಪ್ ಶೆಟ್ಟಿ, ಸದಾನಂದ್ ನಾಯ್ಕ, ದಿಲ್ಲೇಶ್ ಶೆಟ್ಟಿ, ರಮಾಕಾಂತ್ ದೇವಾಡಿಗ, ಶಶಿಕಾಂತ, ಪ್ರಸಾದ್ ಶೆಟ್ಟಿ ಮತ್ತಿತರರು ಪಾಲ್ಗೊಂಡಿದ್ದರು.