ಏನಿದು ಗೊಂದಲ : ಬಳ್ಳಾರಿ, ವಿಜಯನಗರ ಹಾಗೂ ಕೊಪ್ಪಳ ಜಿಲ್ಲೆಗಳ 80ಕ್ಕೂ ಅಧಿಕ ಪದವಿ ಕಾಲೇಜುಗಳು ವ್ಯಾಪ್ತಿಗೆ ಒಳಪಟ್ಟಿವೆ. ಇದರಲ್ಲಿ 2021-22 ಸಾಲಿನಲ್ಲಿ ಎನ್ಇಪಿ ಜಾರಿಗೊಳಿಸಿದ ಬಳಿಕ ಯುಯುಸಿಎಂಎಸ್ ನಲ್ಲಿ ಪ್ರವೇಶಾತಿ ವಿವರ, ದಾಖಲಾತಿ ಒದಗಿಸುವಂತೆ ಸೂಚಿಸಲಾಗಿತ್ತು. ಮೊದಲ ಸೆಮಿಸ್ಟರ್ನ ಕೆಲ ವಿಷಯಗಳಲ್ಲಿ ಉತ್ತೀರ್ಣಗೊಂಡ ಅಂಕಪಟ್ಟಿ ಹಾಗೂ ಮರು ಪರೀಕ್ಷೆಯಲ್ಲಿ ಪಾಸಾದ ವಿಷಯಗಳ ಅಂಕಪಟ್ಟಿ ಪ್ರತ್ಯೇಕವಾಗಿ ಬರಲಿದೆ. ಆದರೆ, ಈಗ ಕೇವಲ ಮರುಪರೀಕ್ಷೆಯಲ್ಲಿ ಪಾಸಾದ ಅಂಕಪಟ್ಟಿ ಮಾತ್ರ ವಿದ್ಯಾರ್ಥಿಗಳಿಗೆ ತಲುಪಿದೆ. ಒಂದನೇ ಸೆಮಿಸ್ಟರ್ನಲ್ಲಿ ಪ್ರಥಮವಾಗಿ ಪಾಸಾದ ವಿಷಯಗಳ ಅಂಕಪಟ್ಟಿ ಇನ್ನೂ ಬಂದಿಲ್ಲ. ಅಲ್ಲದೆ, ಯುಯುಸಿಎಂಎಸ್ ತಂತ್ರಜ್ಞಾನದಲ್ಲಿಯೂ ಆ ಅಂಕಪಟ್ಟಿ ಬಗ್ಗೆ ಮಾಹಿತಿಲ್ಲ, ಯುಯುಸಿಎಂಎಸ್ನಲ್ಲಿ ದೂರು ಸಲ್ಲಿಸಿದರೂ ಈವರೆಗೆ ಯಾವುದೇ ಪ್ರತಿಕ್ರಿಯೆ ಇಲ್ಲ. ಈಗಾಗಲೇ ವಿವಿಯ ಸ್ನಾತಕೋತ್ತರ ಪದವಿಯ ದಾಖಲಾತಿ ಆರಂಭವಾಗಿದ್ದು ಇದೇ ಆ. 30ಕ್ಕೆ ಕೊನೆಯ ದಿನಾಂಕವಾಗಿದೆ. ಆದ್ದರಿಂದ, ಅಂಕಪಟ್ಟಿಗಾಗಿ ವಿದ್ಯಾರ್ಥಿಗಳು ಕಾಲೇಜು ಪ್ರಾಚಾರ್ಯರಿಗೆ ದೂರು ನೀಡಿದರೂ ಸೂಕ್ತ ಸ್ಪಂದನೆ ನೀಡುತ್ತಿಲ್ಲ ಎಂಬ ದೂರುಗಳು ವ್ಯಾಪಕವಾಗಿದೆ. ವಿದ್ಯಾರ್ಥಿಗಳೇ ನೇರವಾಗಿ ವಿವಿ ಮೌಲ್ಯಮಾಪನ ಕುಲಸಚಿವರ ಬಳಿ ಅಂಕಪಟ್ಟಿ ದೋಷದ ಬಗ್ಗೆ ವಿವರಿಸಿದ್ದಾರೆ.
