ಲೋಕೋಪಯೋಗಿ ಬಂದರು ಮತು ಒಳನಾಡು ಜಲಸಾರಿಗೆ ಉಪವಿಭಾಗದ 10 ಲಕ್ಷ ರೂ. ವೆಚ್ಚದಲ್ಲಿ ಗುತ್ತಿಗೆದಾರ ಮಾರ್ಕ್ ಡಿಸೋಜ ಈ ರಸ್ತೆ ನಿರ್ಮಾಣದ ಗುತ್ತಿಗೆ ವಹಿಸಿಕೊಂಡಿದ್ದರು. ರಸ್ತೆಯ ಒಂದು ಕಡೆ ಸಂಪೂರ್ಣ ಒಡೆದಿದ್ದು, ಕಾಂಕ್ರೀಟ್ ಬಹಳ ತೆಳು ಇರುವಂತೆ ಕಂಡುಬಂದಿದೆ. ಲಾರಿ ಚಲಿಸಿದಾಗ ಕಾಂಕ್ರೀಟ್ ರಸ್ತೆ ಬಿರುಕು ಬಿಟ್ಟು ಪೂರ್ತಿ ಕುಸಿಯುವ ಭೀತಿಯಲ್ಲಿದೆ. ಈ ಬಗ್ಗೆ ಸ್ಥಳೀಯ ನಿವಾಸಿ ಹೇಮಾವತಿ ಮಾಹಿತಿ ನೀಡಿ, ಎರಡು ವರ್ಷಗಳ ಹಿಂದೆ ಕಾಮಗಾರಿ ನಡೆದಿದ್ದು ಈಗ ರಸ್ತೆ ಕುಸಿದಿದೆ. ಇದರಿಂದ ಸಮಸ್ಯೆಯಾಗಿದೆ. ಶಾಸಕರು, ಜಿಲ್ಲಾಧಿಕಾರಿ ಭೇಟಿ ನೀಡಿ ಪರಿಶೀಲಿಸಿ ಕಾಮಗಾರಿ ನಡೆಸಿದವರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.
