ದೂರು ಸರಿಪಡಿಸುವ ನೆಪದಲ್ಲಿ ಬಿಎಂಟಿಸಿ ಚಾಲಕನಿಗೆ 4.50 ಲಕ್ಷ ರೂ. ವಂಚನೆ

ರಾಣೆಬೆನ್ನೂರ: ನಿಮ್ಮ ಮೇಲೆ ಕಾರಿನ ಕಸ್ಟಮರ್​ ದೂರು ನೀಡಿದ್ದು ಅದನ್ನು ಸರಿಪಡಿಸಲು ಓಟಿಪಿ ಹೇಳಿ ಎಂದು ಬಿಎಂಟಿಸಿ ಚಾಲಕನ ಖಾತೆಯಿಂದ ಬರೋಬ್ಬರಿ 4.50 ಲಕ್ಷ ರೂ. ಹಣ ವರ್ಗಾವಣೆ ಮಾಡಿಕೊಂಡು ವಂಚಿಸಿರುವ ಕುರಿತು ಹಾವೇರಿ ಸೈಬರ್​ ಕೆಂ ಠಾಣೆಯಲ್ಲಿ ದೂರು ದಾಖಲಾಗಿದೆ.

ತಾಲೂಕಿನ ಚಳಗೇರಿ ಗ್ರಾಮದ ನಿವಾಸಿ ಹಾಗೂ ಬಿಎಂಟಿಸಿ ಚಾಲಕ ಚಿರಂಜೀವಿ ನಾಗರಾಜ ಪವಾರ (29) ಎಂಬುವರಿಗೆ ಮೋಸ ಮಾಡಿರುವುದು.

ಇವರಿಗೆ ಅಪರಿಚಿತ ವ್ಯಕ್ತಿ ಕರೆ ಮಾಡಿ ನಾನು ಟ್ರಾವೇಲ್ಸ್​ ಕಂಪನಿಯಿಂದ ಮಾತನಾಡುತ್ತಿದ್ದೇನೆ. ನಿಮ್ಮ ಕಾರಿನ್​ ಮೇಲೆ ಕಸ್ಟಮರ್​ ಎಂಪ್ಲಾಯಿ ಕಂಪ್ಲೇಟ್​ ಇದೆ. ಅದನ್ನು ಸರಿಪಡಿಸಲು ನಿಮಗೆ ಬಂದಿರುವ ಓಟಿಪಿ ಹೇಳಿ ಎಂದಿದ್ದಾನೆ. ಚಿರಂಜೀವಿ ಇದನ್ನು ನಂಬಿ ಒಟಿಪಿ ಹೇಳುತ್ತಿದ್ದಂತೆ ಅವರ ಖಾತೆಯಲ್ಲಿದ್ದ 4.50 ಲಕ್ಷ ರೂ. ಬೇರೆ ಬೇರೆ ಖಾತೆಗೆ ವರ್ಗಾವಣೆಯಾಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.