ಭದ್ರತೆ ಇಲ್ಲದೆ -1323 ಕೋಟಿ ರೂ. ಸಾಲ: ಬಸವನಗುಡಿಯ ನೆಟ್ಟಕಲ್ಲಪ್ಪ ವೃತ್ತದಲ್ಲಿ ಪ್ರಧಾನ ಕಚೇರಿ ಹೊಂದಿರುವ ಕೋ ಆಪರೇಟಿವ್ ಬ್ಯಾಂಕ್ನಲ್ಲೇ 2400 ಕೋಟಿ ರೂ. ಹಗರಣ ನಡೆದಿದೆ. ಈ ಬ್ಯಾಂಕ್ನಿಂದ 5,336 ಖಾತೆಗಳಿಂದ 1,584.85 ಕೋಟಿ ರೂ. ಸಾಲ ನೀಡಲಾಗಿದೆ. ಈ ಪೈಕಿ ಭದ್ರತೆ ಇಲ್ಲದೆ 69 ಜನರ ಹೆಸರಿನಲ್ಲಿ 2,876 ಖಾತೆಗಳಿಗೆ 1,323 ಕೋಟಿ ರೂ. ಸಾಲ ವಿತರಿಸಿದೆ. ಈ ಬ್ಯಾಂಕ್ನಲ್ಲಿ 120 ಸೊಸೈಟಿಗಳು, ಸಾವಿರಾರು ಗ್ರಾಹಕರು ಠೇವಣಿ ಇಟ್ಟಿದ್ದಾರೆ. ಸಿಐಡಿ ತನಿಖಾ ವರದಿ ಪ್ರಕಾರ ಈ ಬ್ಯಾಂಕ್ನಲ್ಲಿ 69 ಮಂದಿ ಸಾಲ ಪಡೆದಿದ್ದಾರೆ. ಅದರಲ್ಲಿ 10.81 ಕೋಟಿ ರೂ. ಸಾಲ ಪಡೆದ ವ್ಯಕ್ತಿ ಈಗ 12.12 ಕೋಟಿ ರೂ. ಹಿಂತಿರುಗಿಸಲು ಬಾಕಿಯಿದೆ. 113.14 ಕೋಟಿ ರೂ. ಸಾಲ ಪಡೆದವರು 139.85 ಕೋಟಿ ರೂ. ಹಿಂತಿರುಗಿಸಬೇಕಿದೆ. 136.18 ಸಾಲ ಪಡೆದ ವ್ಯಕ್ತಿ 153.50 ಕೋಟಿ ರೂ. ನೀಡಬೇಕಿದೆ. 39.3 ಕೋಟಿ ರೂ., 25.78 ಕೋಟಿ, 55 ಕೋಟಿ ಹೀಗೆ ಕೋಟ್ಯಂತರ ರೂ. ಸಾಲ ಪಡೆದು ಕಂತು ಪಾವತಿಸಿಲ್ಲ, ಬಡ್ಡಿಯೂ ಕಟ್ಟಿಲ್ಲ.
