ದಲ್ಲಾಳಿ ಸಂಘದ ಅಧ್ಯಕ್ಷ ಪಿ.ಚಿದಾನಂದಪ್ಪ ಪ್ರತಿಕ್ರಿಯಿಸಿ, ಕಳಪೆ ಗುಣಮಟ್ಟದ ಧಾನ್ಯವನ್ನು ಉತ್ತಮ ದರ್ಜೆಯ ಜತೆಗೆ ಸೇರಿಸಿ ಮಾರಾಟ ಮಾಡುತ್ತಿದ್ದಾರೆ ಎಂಬುದಾಗಿ ಹೇಳುತ್ತಿದ್ದಿರಿ. ಹಾಗದರೆ, ದಿನಾಲೂ ಟೆಂಡರ್ ಪ್ರಕ್ರಿಯೆ ಮುಗಿದ ಕೂಡಲೇ ನೀವೆ ಚೀಲಗಳನ್ನು ತಂದು ತೂಕ ಹಾಕಿಸಿಕೊಂಡು ತುಂಬಿಕೊಂಡು ಹೋದರೆ ಯಾವ ಸಮಸ್ಯೆಯಿಲ್ಲ. ಅದು ಬಿಟ್ಟು ಟೆಂಡರ್ ಮುಗಿದರೂ ಕೂಡ ಅಂಗಡಿಗಳತ್ತ ಬಾರದೆ ಈ ಆರೋಪ ಮಾಡಿದರೆ ಒಳ್ಳೆಯದಲ್ಲ ಎಂದು ವರ್ತಕರಿಗೆ ಏರುಧ್ವನಿಯಲ್ಲಿ ಉತ್ತರಿಸಿದರು. ಅಲ್ಲದೆ, ವ್ಯಾಪಾರ ನಡೆದ ದಿನವೇ ವರ್ತಕರು ದಲ್ಲಾಳರಿಗೆ ನೀಡಬೇಕಿದ್ದ ಹಣ ನೀಡದೆ ತಿಂಗಳಗಟ್ಟಲೇ ನೀಡುವುದಿಲ್ಲ. ದಲ್ಲಾಳಿಗಳು ಮಾತ್ರ ಬಡ್ಡಿಗೆ ಹಣ ತಂದು ರೈತರಿಗೆ ನೀಡಬೇಕು, ನೀವು ಮಾತ್ರ ವಾರ ಅಥವಾ ತಿಂಗಳದ ಬಳಿಕ ನೀಡುತ್ತಿರಿ. ಆ ವಿಷಯಕ್ಕೆ ಮಾತ್ರ ಯಾರು ಮಾತನಾಡುವುದಿಲ್ಲ ವರ್ತಕರನ್ನು ಪ್ರಶ್ನಿಸಿದರು. ಕಳೆದ ಕೆಲ ತಿಂಗಳ ಹಿಂದೆ ವರ್ತಕರೊಬ್ಬರು ಮೂರು ಕೋಟಿ ರೂ. ಅಧಿಕ ಶೇಂಗಾ ಖರೀದಿಸಿ ಪರಾರಿಯಾಗಿದ್ದರು. ಆಗ ಏಕೆ ವರ್ತಕರು ಯಾರೋ ಆ ವಿಷಯದ ಬಗ್ಗೆ ಗಮನಹರಿಸಿಲ್ಲ ಎಂದು ಅಕ್ರೋಶಭರಿತದರು.
