ತೆಂಗಿನಕಾಯಿಗೆ ಗುಂಡು ಒಡೆಯುವ ಸ್ಪರ್ಧೆ

ಗೋಣಿಕೊಪ್ಪ: ಮಾಯಮುಡಿ ಶ್ರೀ ಮಾನಿಲ್ ಅಯ್ಯಪ್ಪ ಸೇವಾ ಸಮಿತಿ ವತಿಯಿಂದ ವಮ್ಷಿ ಮಾರ್ಲೆ ಮತ್ತು ಜೆ.ಕೆ ಟಯರ್ಸ್ ಸಹಯೋಗದಲ್ಲಿ ಮಾಯಮುಡಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲಾ ಮೈದಾನದಲ್ಲಿ ಇತ್ತೀಚೆಗೆ ಆಯೋಜಿಸಿದ್ದ ಎರಡನೇ ವರ್ಷದ ಬೊಡಿನಮ್ಮೆ ತೆಂಗಿನಕಾಯಿಗೆ ಗುಂಡು ಒಡೆಯುವ ಸ್ಪರ್ಧೆಯಲ್ಲಿ ಜಿಲ್ಲೆಯ 350ಕ್ಕೂ ಹೆಚ್ಚು ಸ್ಪರ್ಧಿಗಳು ಭಾಗವಹಿಸಿದ್ದರು.

ಪಾಯಿಂಟ್ 22, 12 ನೇ ಬೋರ್, ಏರ್ ಗನ್ ವಿಭಾಗದಲ್ಲಿ ಪ್ರತ್ಯೇಕವಾಗಿ ಸ್ಪರ್ಧೆಗಳು ನಡೆದವು. ಪಾಯಿಂಟ್ 22 ವಿಭಾಗದಲ್ಲಿ ಮಣವಟ್ಟೀರ ಪೊನ್ನು ಪ್ರಥಮ, ಅಜ್ಜೇಟೀರ ಗೌತಂ ದ್ವಿತೀಯ, ಪುಗ್ಗೇರ ರಾಜೇಶ್ ದ್ವಿತೀಯ, 12 ನೇ ಬೋರ್ ವಿಭಾಗದಲ್ಲಿ ರಮೇಶ್ ಬಾಬು (ಪ್ರ), ಕೆಚ್ಚೀರ ವಿಜು (ದ್ವಿ), ಪುದಿಯೊಕ್ಕಡ ಪೂಣಚ್ಚ (ತೃ), ಏರ್ ಗನ್ ವಿಭಾಗದಲ್ಲಿ ಬಡುವಂಡ ಧನು ದೇವಯ್ಯ (ಪ್ರ), ರಮೇಶ್‌ಬಾಬು (ದ್ವಿ), ಬಡುವಂಡ ಶ್ಲೋಕ್ (ತೃ) ಸ್ಥಾನ ಪಡೆದರು.

ವೈದ್ಯ ಡಾ. ಬಲ್ಲಣಮಾಡ ನಿಖಿಲ್ ನಂಜಪ್ಪ ಕಾರ್ಯಕ್ರಮ ಉದ್ಘಾಟಿಸಿದರು. ಕರ್ನಾಟಕ ಕೊಡವ ಸಾಹಿತ್ಯ ಅಕಾಡೆಮಿ ಮಾಜಿ ಅಧ್ಯಕ್ಷ ಚೆರಿಯಪಂಡ ರಾಜ ನಂಜಪ್ಪ, ಮಹಿಳಾ ಬ್ಯಾಂಕ್ ಮಾಜಿ ಅಧ್ಯಕ್ಷೆ ಕಂಜಿತಂಡ ಸ್ವಾತಿ ಸುಬ್ರಮಣಿ ಪಾಲ್ಗೊಂಡಿದ್ದರು. ಸಮಾರೋಪ ಸಮಾರಂಭದಲ್ಲಿ ಕಾಫಿ ಬೆಳೆಗಾರ ಪಾಂಡಂಡ ರವಿ, ವಮ್ಷಿ ಮಾರ್ಲ ಕಂಪೆನಿ ಪ್ರಮುಖರಾದ ಚಿಂಡಮಾಡ ನಾಚಪ್ಪ, ಮುಕ್ಕಾಟೀರ ಬೋಪಣ್ಣ, ಕಾರ್ಯಕ್ರಮ ಸಂಚಾಲಕ ಚೆಪ್ಪುಡೀರ ಪ್ರದೀಪ್ ಪೂವಯ್ಯ, ಸೇವಾ ಸಮಿತಿ ಗೌರವ ಅಧ್ಯಕ್ಷ ಸಣ್ಣುವಂಡ ಬಿ. ರಮೇಶ್, ಅಧ್ಯಕ್ಷ ವಿನು ವಿಶ್ವನಾಥ್ ಬಹುಮಾನ ವಿತರಿಸಿದರು.