ಉಡುಪಿ ನಗರಸಭೆಯಿಂದ ನೀರಿನ ಶುಲ್ಕ ಪರಿಷ್ಕರಣೆ

ಉಡುಪಿ: ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದ ತತ್ತರಿಸುತ್ತಿರುವ ಜನರಿಗೆ ಉಡುಪಿ ನಗರಸಭೆಯೂ ಸಣ್ಣದೊಂದು "ದರದ ಬರೆ' ನೀಡಿದೆ. ಕುಡಿಯುವ ನೀರಿನ ಬಳಕೆಯ ಶುಲ್ಕ ಪರಿಷ್ಕರಿಸಿ, ದರ ಏರಿಕೆ ಮಾಡುವ ಮೂಲಕ ಜನರಿಗೆ ಇನ್ನೊಂದು "ಹೊರೆ ಗಂಟು' ನೀಡಿದೆ.
ನವೆಂಬರ್​ 1ರಿಂದಲೇ ಅನ್ವಯವಾಗುವಂತೆ ಕುಡಿಯುವ ನೀರಿನ ಬಳಕೆ ಶುಲ್ಕ ಏರಿಕೆಯಾಗಲಿದೆ ಎಂದು ನಗರಸಭೆ ಅಧಿಕಾರಿಗಳು ತಿಳಿಸಿದ್ದಾರೆ.

ಗೃಹಬಳಕೆ: ಗೃಹಬಳಕೆಗೆ 8 ಸಾವಿರ ಲೀ. ವರೆಗೆ 11 ರೂ., 8 ಸಾವಿರ ಲೀಟರ್​ ಮೇಲ್ಪಟ್ಟು 15 ರೂ., 15 ಸಾವಿರ ಲೀ. ಮೇಲ್ಪಟ್ಟು 20 ರೂ. ಹಾಗೂ 20 ಸಾವಿರ ಲೀ.ಗಿಂತ ಅಧಿಕ ಬಳಕೆಯಾದಲ್ಲಿ 30 ರೂ. ವಿಧಿಸಲಾಗಿದೆ.

ಗೃಹೇತರ ಬಳಕೆ: 8 ಸಾವಿರ ಲೀಟರ್​ ವರೆಗೆ 25ರೂ., 8 ಸಾವಿರ ಲೀ., ಮೇಲ್ಪಟ್ಟು 35 ರೂ., 15 ಸಾವಿರ ಲೀ. ಮೇಲ್ಪಟ್ಟು 50 ರೂ., ವಿಧಿಸಲಾಗಿದೆ.

ವಾಣಿಜ್ಯ, ಕೈಗಾರಿಕೆ: 8 ಸಾವಿರ ಲೀ. ವರೆಗೆ 50 ರೂ., 8 ಸಾವಿರ ಲೀ. ಮೇಲ್ಪಟ್ಟು 60 ರೂ. ಹಾಗೂ 15 ಸಾವಿರ ಲೀ. ಮೇಲ್ಪಟ್ಟು 70 ರೂ. ವಿಧಿಸಲಾಗಿದೆ. ಪ್ರತಿ ಸಂಪರ್ಕಕ್ಕೆ ಗೃಹ ಬಳಕೆಗೆ 88 ರೂ., ಗೃಹೇತರ ಸಂಪರ್ಕಕ್ಕೆ 200 ರೂ. ಹಾಗೂ ವಾಣಿಜ್ಯ/ ಕೈಗಾರಿಕೆಗಳ ಸಂಪರ್ಕಕ್ಕೆ 400 ರೂ. ವಿಧಿಸಲಾಗುವುದು ಎಂದು ನಗರಸಭೆ ಪೌರಾಯುಕ್ತರು ತಿಳಿಸಿದ್ದಾರೆ.