ಕ್ಷಿಪ್ರ ನಗರ ಪ್ರದಕ್ಷಿಣೆ ನಡೆಸಿದ ಸಿಎಂ ಸಿದ್ದರಾಮಯ್ಯ

ಬೆಂಗಳೂರು: ರಾಜಧಾನಿಯಲ್ಲಿ ನಡೆಯುತ್ತಿರುವ ವಿವಿಧ ಅಭಿವೃದ್ಧಿ ಕಾಮಗಾರಿಗಳ ಪ್ರಗತಿ ಪರಿಶೀಲಿಸಲು ಮುಖ್ಯಮಂತ್ರಿ ಸಿದ್ದರಾಮಯ್ಯ ಗುರುವಾರ ನಗರ ಪ್ರದಕ್ಷಿಣೆ ನಡೆಸಿದರು.

ಮಧ್ಯಾಹ್ನ12ಕ್ಕೆ ವಿಧಾನಸೌಧದಿಂದ ಬಿಎಂಟಿಸಿ ಹವಾನಿಯಂತ್ರಿತ ಬಸ್​ನಲ್ಲಿ ಹೊರಟ ಸಿಎಂ, ರಾಜಭವನ ರಸ್ತೆ, ಚಾಲುಕ್ಯ ವೃತ್ತ, ಹೈಗ್ರೌಂಡ್ಸ್​ ವೃತ್ತ ಮೂಲಕ ಬಳ್ಳಾರಿ ರಸ್ತೆ ಕಡೆಗೆ ಸಾಗಿ, ಹೆಬ್ಬಾಳದ ಬಳಿ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ಕೈಗೊಂಡಿರುವ ಮೇಲ್ಸೇತುವೆ ಕಾಮಗಾರಿ ಪ್ರಗತಿ ಪರಿಶೀಲಿಸಿದರು. ಈ ವೇಳೆ ಬಿಡಿಎ ಅಧ್ಯಕ್ಷ ಎನ್​.ಎ. ಹ್ಯಾರಿಸ್​, ಆಯುಕ್ತ ಎನ್​. ಜಯರಾಂ ಅವರಿಂದ ಮಾಹಿತಿ ಪಡೆದು ಆದಷ್ಟು ಬೇಗ ಕಾಮಗಾರಿ ಮುಗಿಸುವಂತೆ ಸೂಚಿಸಿದರು. ಬಳಿಕ, ಅಲ್ಲಿಂದ ಹೊರಟು ಹೆಬ್ಬಾಳದ ಹೊರವರ್ತುಲ ರಸ್ತೆಯ ಕರಿಯಣ್ಣಪಾಳ್ಯದ ಬಳಿ ಸರ್ವೀಸ್​ ರಸ್ತೆ ಕಾಮಗಾರಿ ಪರಿಶೀಲಿಸಿದರು. ಈ ವೇಳೆ ಬಿಬಿಎಂಪಿ ಆಡಳಿತಾಧಿಕಾರಿ ಎಸ್​.ಆರ್​. ಉಮಾಶಂಕರ್​, ಮುಖ್ಯ ಆಯುಕ್ತ ತುಷಾರ್​ ಗಿರಿನಾಥ್​ ಡಾಂಬರೀಕರಣ ಹಾಕಿರುವ ಕುರಿತು ಮಾಹಿತಿ ಕೊಟ್ಟರು.

ವೀರಣ್ಣಪಾಳ್ಯ- ಹೆಣ್ಣೂರು ಮುಖ್ಯರಸ್ತೆ-ನಾಗವಾರ ಜಂಕ್ಷನ್​ ಬಳಿ ವಾಹನದಟ್ಟಣೆ ನಿವಾರಣೆಗೆ ಬಿಎಂಆರ್​ಸಿಎಲ್​ ನಡೆಸುತ್ತಿರುವ ನಿರ್ಮಾಣ ಹಂತದ ಸರ್ವೀಸ್​ ರಸ್ತೆಯ ಕಾಮಗಾರಿ ವೀಕ್ಷಣೆ ಮಾಡಿದರು. ಅಂತಿಮವಾಗಿ ಕೆ.ಆರ್​.ಪುರ ರೈಲು ನಿಲ್ದಾಣ ಬಳಿ ನಡೆಯುತ್ತಿರುವ ಮೆಟ್ರೋ ಕಾಮಗಾರಿಯ ನೆ ವೀಸಿ ಬಿಎಂಆರ್​ಸಿಎಲ್​ ಅಧಿಕಾರಿಗಳಿಂದ ಮಾಹಿತಿ ಪಡೆದರು. ಅಲ್ಲಿಂದ ಮೆಟ್ರೋ ಮೂಲಕ ಹೊರಟ ಸಿಎಂ ವಿಧಾನಸೌಧಕ್ಕೆ ತಲುಪಿದರು. ಸಚಿವರಾದ ಕೆ.ಜೆ.ಜಾರ್ಚ್​, ಭೈರತಿ ಸುರೇಶ್​, ಶಾಸಕರಾದ ರಿಜ್ವಾನ್​ ಆರ್ಷದ್​, ಭೈರತಿ ಬಸವರಾಜು, ಎ.ಸಿ. ಶ್ರೀನಿವಾಸ್​, ಸಿಎಂ ರಾಜಕೀಯ ಕಾರ್ಯದರ್ಶಿ ಕೆ. ಗೋವಿಂದರಾಜು, ಬಿಎಂಆರ್​ಸಿಎಲ್​ ಎಂಡಿ ಮಹೇಶ್ವರ್​ ರಾವ್​, ಜಲಮಂಡಳಿ ಅಧ್ಯಕ್ಷ ರಾಮ್​ ಪ್ರಸಾತ್​ ಮನೋಹರ್​ ಸೇರಿ ಬಿಬಿಎಂಪಿ, ಬಿಡಿಎ ಅಧಿಕಾರಿಗಳು ಸಾಥ್​ ನೀಡಿದರು.

45-50 ಕಾರುಗಳ ಪರೇಡ್​:

ಬೆಂಗಳೂರು ನಗರ ಉಸ್ತುವಾರಿ ಸಚಿವ, ಡಿಸಿಎಂ ಡಿ.ಕೆ. ಶಿವಕುಮಾರ್​ ಅನುಪಸ್ಥಿತಿಯಲ್ಲಿ ಸಿಎಂ ಸಿದ್ದರಾಮಯ್ಯ, ನಡೆಸಿದ್ದ ನಗರ ಪ್ರದಣೆ ಬರೀ ಒಂದೂಕಾಲು ಗಂಟೆಯಲ್ಲಿ ಮುಗಿಯಿತು. ಇಂದಿರಾನಗರ ಮುಖ್ಯರಸ್ತೆಯಲ್ಲಿ ಗುಂಡಿ ಮುಚ್ಚಿರುವುದು, ಗುರುದ್ವಾರ ಜಂಕ್ಷನ್​& ಹಲಸೂರು ರಸ್ತೆಯಲ್ಲಿ ನಡೆಯುತ್ತಿರುವ ಡಾಂಬರೀಕರಣ ವೀಸಲಿದ್ದಾರೆ ಎಂಬ ಮಾಹಿತಿ ನೀಡಲಾಗಿತ್ತು. ಆದರೆ ಅಲ್ಲಿಗೆ ಭೇಟಿ ನೀಡದೆ ತರಾತುರಿಯಲ್ಲಿ ವಿಧಾನಸೌಧಕ್ಕೆ ಬಂದಿಳಿದರು. ಕೆ.ಆರ್​. ಪುರದ ಮೆಟ್ರೋ ಕಾಮಗಾರಿ ಹೊರತುಪಡಿಸಿ ಉಳಿದ ಕಾಮಗಾರಿಯನ್ನು ಬರೀ ಒಂದೆರೆಡು ನಿಮಿಷ ವೀಸಿದರು. ಸಿಎಂ ಜತೆಯಲ್ಲಿ ಸಚಿವರು, ಸಚಿವರ ಆಪ್ತರು, ಶಾಸಕರು ಮತ್ತು ಶಾಸಕರ ಆಪ್ತರು ಹೀಗೆ ಸುಮಾರು 45-50 ಕಾರುಗಳ "ಪರೇಡ್​' ನಡೆಯಿತು. ಅಂತಿಮವಾಗಿ ಸಿಎಂ ಗೃಹಕಚೇರಿ "ಕೃಷ್ಣಾ'ದಲ್ಲಿ ನಡೆಯಬೇಕಿದ್ದ ಸುದ್ದಿಗೋಷ್ಠಿಯನ್ನು ರದ್ದು ಮಾಡಲಾಯಿತು.

ಮುಡಾ ಹಗರಣದಂತೆ ಬಿಡಿಎ ಹಗರಣ ಕೂಡ ನಿಮ್ಮ ಕೊರಳಿಗೆ ಸುತ್ತಿಕೊಳ್ಳಲಿದೆ: ಸಿಎಂ ಸಿದ್ದರಾಮಯ್ಯಗೆ ಮುಖ್ಯಮಂತ್ರಿ ಚಂದ್ರು ಎಚ್ಚರಿಕೆ.

ಸಿಎಂ ಸಿಟಿ ರೌಂಡ್ಸ್​ ವಿವರ:

* ಮಧ್ಯಾಹ್ನ 12ಕ್ಕೆ ವಿಧಾನಸೌಧದಿಂದ ನಗರ ಪ್ರದಕ್ಷಿಣೆ ಶುರು.

* 12.20ಕ್ಕೆ ಹೆಬ್ಬಾಳದ "ಎ' ಬ್ಲಾಕ್​ನ ಶ್ರೀ ಪಿಲ್ಲೆಕಮ್ಮ ದೇವಸ್ಥಾನ ಬಳಿ ನಡೆಯುತ್ತಿರುವ ಮೇಲ್ಸುತುವೆ ಕಾಮಗಾರಿ ವೀಣೆ.

* 12.35ಕ್ಕೆ ಹೆಬ್ಬಾಳದ ಹೊರವರ್ತುಲ ರಸ್ತೆಯ ಕರಿಯಣ್ಣಪಾಳ್ಯದ ಬಳಿ ಸರ್ವೀಸ್​ ರಸ್ತೆ

ಕಾಮಗಾರಿ ವೀಕ್ಷಣೆ

* 12.49ಕ್ಕೆ ವೀರಣ್ಣಪಾಳ್ಯ& ಹೆಣ್ಣೂರು ಮುಖ್ಯರಸ್ತೆ& ನಾಗವಾರ ಜಂಕ್ಷನ್​ ಬಳಿ ವಾಹನದಟ್ಟಣೆ ತಡೆಗೆ ಸರ್ವೀಸ್​ ರಸ್ತೆಯ ಕಾಮಗಾರಿ ಪ್ರಗತಿ ಪರಿಶೀಲನೆ.

* 1.10ಕ್ಕೆ ಕೆ.ಆರ್​. ಪುರದ ರೈಲು ನಿಲ್ದಾಣ ಮುಂಭಾಗ ಬಿಎಂಆರ್​ಸಿಎಲ್​ ಮೆಟ್ರೋ ಕಾಮಗಾರಿ ನೆ ವೀಣೆ.

* 1.25ಕ್ಕೆ ಮೆಟ್ರೋ ರೈಲಿನಲ್ಲಿ ವಿಧಾನಸೌಧಕ್ಕೆ.

ವಾಹನದಟ್ಟಣೆ:

ಸಿಎಂ ಪ್ರದಕ್ಷಿಣೆ ಹಿನ್ನೆಲೆಯಲ್ಲಿ ಬಳ್ಳಾರಿ ರಸ್ತೆಯಿಂದ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಸಾಗುವ ಎರಡು ಬದಿಯ ರಸ್ತೆಗಳಲ್ಲಿ ವಾಹನದಟ್ಟಣೆ ಉಂಟಾಯಿತು.ಇದರಿಂದಾಗಿ ಕೆಲ ಕಾಲ ವಾಹನ ಸವಾರರು ಪರದಾಡಿದರು. ಕೆಲ ರಸ್ತೆಗಳಲ್ಲಿ ವಾಹನಗಳು ನಿಧಾನಗತಿಯಲ್ಲಿ ಸಾಗಿದವು.