ಈ ಹಿಂದೆಯೂ ಪ್ರವಾಹ ಬರುತ್ತಿತ್ತು, ಕೃಷಿಗೆ ಹಾನಿಯೂ ಆಗುತ್ತಿತ್ತು ಆದರೆ ಭಿಕ್ಷೆಯ ರೂಪದಲ್ಲಿ ಪರಿಹಾರ ಕೊಡಲಾಗುತ್ತಿತ್ತು. ಆದರೆ ತಮ್ಮ ಸರಕಾರ ಬಂದ ನಂತರ ಪರಿಹಾರದ ಮೊತ್ತವನ್ನು ಹೆಚ್ಚಿಸಲಾಗಿದೆ. ತಂತ್ರಜ್ಞಾನ ಬಳಕೆ ಮಾಡಿಕೊಂಡು ಶೀಘ್ರದಲ್ಲೇ ಪರಿಹಾರ ಫಲಾನುಭವಿಗಳಿಗೆ ತಲುಪಿಸುವ ಕೆಲಸ ಆಗಿದೆ ಎಂದರು. ಸಾಮಾಜಿಕ ನ್ಯಾಯದ ಬಗ್ಗೆ ಮಾತಾಡಿದವರು ಮುಂದೆ ಹೋಗಿದ್ದಾರೆ. ಅದರೆ ಉಪಯೋಗ ಪಡೆಯಬೇಕಿದ್ದವರು ಅಲ್ಲೇ ಇದ್ದಾರೆ ಎಂದು ಕಾಂಗ್ರೆಸ್ನ ಮುಖಂಡರಿಗೆ ಟಾಂಗ್ ಕೊಟ್ಟರು.
ಕೊಡಗಿನ ಶಾಸಕರ ಕಾರ್ಯವೈಖರಿಯನ್ನು ಹೊಗಳಿ ಮಾತನಾಡಿದ ಸಿಎಂ, ಜನಪ್ರಿಯ ಶಾಸರು ತುಂಬಾ ಮಂದಿ ಇದ್ದಾರೆ. ಆದರೆ ಜನಪರ ಶಾಸಕರ ಸಂಖ್ಯೆ ಕಡಿಮೆ. ಕೊಡಗಿನವರು ಇಂತಹ ಜನಪರ ಶಾಸಕರಾಗಿದ್ದು, ಮುಂದೆಯೂ ಅವರಿಗೆ ಆಶೀರ್ವಾದ ಮಾಡಿದರೆ ಮತ್ತಷ್ಟು ಕೆಲಸ ಮಾಡುತ್ತಾರೆ ಎನ್ನುವ ಮೂಲಕ ಈ ಇಬ್ಬರಿಗೆ ಟಿಕೆಟ್ ಸಿಗುತ್ತದೆ ಎನ್ನುವ ಪರೋಕ್ಷ ಸೂಚನೆ ನೀಡಿದರು.
