ರಾಣೆಬೆನ್ನೂರ: ಮುಖ್ಯಮಂತ್ರಿ ಸಿದ್ದರಾಮಯ್ಯ ಕಾರಿಗೆ ಅಡ್ಡ ಬಂದು ತೊಂದರೆ ನೀಡಿದ ಅಪರಾಧದಡಿ ತಾಲೂಕಿನ ಕಾಕೋಳ ಗ್ರಾಮದ ವ್ಯಕ್ತಿಯೊಬ್ಬನ ವಿರುದ್ಧ ಇಲ್ಲಿಯ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಗ್ರಾಮದ ಕರಿಯಪ್ಪ ತಿರುಕಪ್ಪ ಕುದರಿಹಾಳ (40) ಎಂಬುವರ ವಿರುದ್ಧ ಪ್ರಕರಣ ದಾಖಲಾಗಿರುವುದು.
ಈತ ಆ. 30ರಂದು ದೇವರಗುಡ್ಡಕ್ಕೆ ಸಿಎಂ ಸಿದ್ದರಾಮಯ್ಯ ಬಂದಾಗ ಕಾಕೋಳ ಗ್ರಾಮದ ಬಳಿ ಶ್ರೀ ಮಾಲತೇಶ ಸ್ವಾಮಿ ದೇವರ ಕಮಾನ್ ಹತ್ತಿರವಿರುವ ಸಂಗೊಳ್ಳಿ ರಾಯಣ್ಣ ಬೋರ್ಡ್ಗೆ ಸಿಎಂ ಕಡೆಯಿಂದ ಹೂವಿನ ಹಾರ ಹಾಕಿಸುವ ಸಲುವಾಗಿ ವಾಹನ ತಡೆಯಲು ಮುಂದಾಗಿದ್ದಾನೆ. ಈ ಬಗ್ಗೆ ಅಧಿಕಾರಿಗಳು ತಿಳುವಳಿಕೆ ಹೇಳಿದರೂ ಕಾನೂನು ಬಾಹಿರವಾಗಿ ನಡೆದುಕೊಂಡಿದ್ದಾನೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
