ಯಕ್ಷಗಾನ ಕಲಿಕೆಯಿಂದ ವಿದ್ಯಾರ್ಥಿಗಳಲ್ಲಿ ಶೈಕ್ಷಣಿಕ ಸಾಧನೆ...

ಡಿಡಿಪಿಐ ಗಣಪತಿ ಕೆ. ಅಭಿಪ್ರಾಯ

ತರಬೇತಿ ಶಿಬಿರ ಸಮಾರೋಪ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಪಠ್ಯ ಶಿಕ್ಷಣಕ್ಕಷ್ಟೇ ಮಕ್ಕಳನ್ನು ಸೀಮಿತಗೊಳಿಸದೆ ಯಕ್ಷಗಾನದಂತಹ ಶ್ರೇಷ್ಠ ಕಲೆ ಕಲಿಯುವ ಇಂತಹ ಶಿಬಿರಗಳಲ್ಲಿ ಪಾಲ್ಗೊಳ್ಳುವಂತೆ ಮಾಡಬೇಕು. ಅದರಿಂದ ವಿದ್ಯಾರ್ಥಿಗಳಲ್ಲಿ ಆತ್ಮವಿಶ್ವಾಸ, ಕಲಿಕಾ ಸಾಮರ್ಥ್ಯ ಹೆಚ್ಚಳಗೊಂಡು

ಎಸ್​ಎಸ್​ಎಲ್​ಸಿ ಪರೀಕ್ಷೆಯಲ್ಲೂ ಸಹ ಸಾಧನೆ ಮಾಡಲು ಸಹಕಾರಿಯಾಗುತ್ತದೆ ಎಂದು ಡಿಡಿಪಿಐ ಗಣಪತಿ ಕೆ. ಅಭಿಪ್ರಾಯಪಟ್ಟರು.

ಕಲಾರಂಗ ಶ್ರೇಷ್ಠ ಸಂಸ್ಥೆ

ವಿದ್ಯಾರ್ಥಿಗಳಿಗೆ ಪ್ರಮಾಣಪತ್ರ ವಿತರಿಸಿದ ಗೀತಾನಂದ ಫೌಂಡೇಷನ್​ನ ಸ್ಥಾಪಕ ಆನಂದ ಸಿ. ಕುಂದರ್​ ಮಾತನಾಡಿ, ಉಡುಪಿಯ ಯಕ್ಷಗಾನ ಕಲಾರಂಗವು ಕಲೆ, ಸಮಾಜಪರ ಕೆಲಸ ಮಾಡುತ್ತ ಸಾರ್ವಜನಿಕರ ವಿಶ್ವಾಸ ಗಳಿಸಿದೆ. ಇದೊಂದು ಪ್ರತಿಷ್ಠಿತ ಹಾಗೂ ಶ್ರೇಷ್ಠ ಸಂಸ್ಥೆಯಾಗಿದೆ ಎಂದರು.

ಟ್ರಸ್ಟ್​ನ ಅಧ್ಯಕ್ಷ, ಶಾಸಕ ಯಶ್​ಪಾಲ್​ ಸುವರ್ಣ ಅಧ್ಯಕ್ಷತೆ ವಹಿಸಿದ್ದರು. ಬೈಂದೂರು ಶಾಸಕ ಗುರುರಾಜ ಗಂಟಿಹೊಳೆ ಶುಭಕೋರಿದರು.

ಯಕ್ಷಗಾನ ಕಲಾರಂಗದ ಅಧ್ಯಕ್ಷ ಎಂ.ಗಂಗಾಧರ ರಾವ್​ ಸ್ವಾಗತಿಸಿದರು. ನಾರಾಯಣ ಎಂ. ಹೆಗಡೆ ವಂದಿಸಿದರು. ಕಾರ್ಯದರ್ಶಿ ಮುರಲಿ ಕಡೆಕಾರ್​ ಪ್ರಸ್ತಾವನೆಯೊಂದಿಗೆ ಕಾರ್ಯಕ್ರಮ ನಿರೂಪಿಸಿದರು. ಶಿಬಿರದ ಸಂಯೋಜಕ ನಿರಂಜನ ಭಟ್​ ಎಂ. ಸಂಸ್ಥೆಯ ಕಾರ್ಯಕರ್ತರಾದ ವಿದ್ಯಾ ಪ್ರಸಾದ, ಗಣಪತಿ ಭಟ್​, ಯು.ಅನಂತರಾಜ ಉಪಾಧ್ಯ, ವಿಶ್ವನಾಥ ಸಹಕರಿಸಿದರು.

ಬನ್ನಂಜೆ ಸಂಜೀವ ಸುವರ್ಣಗೆ ಸನ್ಮಾನ